Illas Crozet
Leis illas de Crozet son un grop d'illas francesas situat dins lo sud-oèst d'Ocean Indian que son un districte dei Tèrras Australas e Antarticas Francesas. D'origina volcanica, aquel grop a una superficia de 352 km² e es compausat per cinc illas principalas que son l'illa de l'Èst, l'illa de la Possession, l'illa deis Apòstols, l'illa dei Pòrcs e l'illa dei Pingoïns. L'illa de la Possession assosta una basa de recèrca scientifica.
  | |
| Administracion | |
|---|---|
| Estat | França |
| Territòri dependent | Tèrras Australas e Antarticas Francesas |
| Capitala | Saint-Pierre (Reünion) |
| Geografia | |
  | |
| Coordenadas | 46° 23′ S, 51° 40′ E |
| Superfícia | 352 km²[1] |
| Altitud mejana | 1 050 m |
| Punt culminant | Mont Marion-Dufresne (ca)  (1 090 m) |
| Fus orari | +4 (illas Escampilhadas e illas Crozet) |
| Economia | |
| Moneda | Èuro |
| Domeni Internet | .tf |
Istòria
modificarLeis illas son descobèrtas e revindicadas per França lo 24 de genoièr de 1772 per Marc-Joseph Marion du Fresne.
Lo decrèt dau 21 de novèmbre de 1924 afortís son restacament administratiu a Madagascar. En 1939, França torna afirmar sa possession deis illas. En 1955, son restacadas ai Tèrras australas e antarticas francesas e ne venon un districte.
En 1960, sota la pression de l'Organizacion meteorologica mondiala e de l'Organizacion de l'aviacion civila internacionala, França se decidís a establir una basa permanenta sus l'archipèla. Una primièra mission es menada per Alfred Faure en 1961, sus l'illa de la Possession (site de Pòrt Alfred). La basa permanenta es construcha sus lo plan a partir de decembre de 1963 e obèrta au promièr ivernatge en 1964. En 1969 reçaup lo nom d'Alfred Faure, mòrt en 1968 a 43 ans.
Un quinzenat de personas ivèrnan regularament dempuèi 1964.
Nòtas e referéncias
modificar- ↑ Afirmat dins: repertòri geografic dei comunas. Data de consulta: 26 d'octobre de 2015. Ostal d'edicion: IGN.