Antananarivo
Antananarivo (de còps que i a abreujada Tana), es la capitala e la mai granda vila de Madagascar. La vila se trapa a 1 280 m d'altitud al centre de l'illa, capitala nacionala pus enauçada entre los païses insulars. Es lo pus grand centre de populacion del país dempuèi al mens lo sègle XVIII. La presidéncia, l'Amassada nacionala, lo Senat e la Cor suprèma i son installats, e 21 missions diplomaticas e lo sètge de nombrosas entrepresas e ONG nacionalas e internacionalas. Compta mai d'universitats, de discotècas, de luòcs culturals, de servicis medicals que tota autra vila de l'illa. Mai d'unas còlas esportivas nacionalas e localas, i comprés l'equipa nacionala de rugbi venceira del campionat, los makis, i demòran.
|
Antananarivo
Tananarive, Iarivo, Tana | |
|---|---|
 | |
| Geografia fisica | |
| Coordenadas | 18° 54′ 44″ S, 47° 31′ 18″ E |
| Altituds · Mejana |
1 276 m |
| Geografia politica | |
| País |  Madagascar |
| region | Analamanga |
| Geografia umana | |
| Populacion (?) |
3 209 933 ab. |
Antananarivo foguèt istoricament la capitala del pòble Merina, que contunha de formar la majoritat dels 1 275 207 abitants de la vila (recensament de 2018). Las zonas urbanas environentas an una populacion metropolitana totala qu'aprocha los tres milions. Los detz e uèit grops etnics malgaches, e los residents d'origina chinesa, indiana, europèa e autres, son representats dins la vila. Foguèt fondada vers 1610, quora lo rei Merina Andrianjaka (1612-1630) forabandiguèt los abitants Vazimba del vilatge d'Analamanga. Declarant lo site coma capitala, Andrianjaka bastiguèt un rova (abitacion reiala fortificada) que s'agrandiguèt per venir los palais reials del reialme d'Imerina. La vila servèt lo nom d'Analamanga fins al règne del rei Andriamasinavalona (1675-1710), que la tornèt batejar Antananarivo ("Vila dels Mila") en onor dels soldats d'Andrianjaka.
La vila serviguèt de capitala al reialme d'Imerina fins en 1710, data que Imerina se devesiguèt en quatre parts . Antananarivo venguèt la capitala del sud fins en 1794, quora lo rei Andrianampoinimerina d'Ambohimanga capturèt la província e la restaurèt coma capitala d'un Reialme unit d'Imerina, menant tanben los grops etnics vesins jol contraròtle dels Merina. Aquelas conquistas contunhèron amb lo filh, Radama I, que fins finala contrarotlèt mai dels dos terses de l'illa, çò que lo menèt a èsser considerat coma lo rei de Madagascar pels diplomats europèus. Antananarivo demorèt la capitala de l'illa après la colonizacion de Madagascar pels franceses en 1897 e après l'independéncia en 1960.
| Capitalas d’Africa | |||
|---|---|---|---|
Africa del Nòrd
|
Argièr · Lo Caire · Trípol · Rabat · Nouakchott · Khartom · Tunis | Africa de l'Oèst
|
Porto Novo · Ouagadougou · Praia · Yamoussoukro · Banjul · Accra · Conakry · Bissau · Monròvia · Bamako · Niamey · Abuja · Dakar · Freetown · Lomé |
Africa Centrala
|
Yaoundé · Bangui · Brazzaville · Kinshasa · Liuravila · Malabo · São Tomé · N'Djamena | Africa de l'Èst
|
Gitega · Jiboti · Asmara · Addis Abeba · Nairòbi · Kampala · Kigali · Victòria · Mogadisho · Dodoma |
Africa Australa
|
Pretòria · Luanda · Gaborone · Moròni · Maseru · Antananarivo · Lilongwe · Port Louis · Maputo · Windhoek · Mbabane · Lusaka · Harare | Autras vilas principalas e capitalas economicas | Abidjan · Alexàndria · Casablanca · Dar es Salaam · Durban · Lagos · Lo Cap · Johannesburg |