Ponchs de Lagrange

Lei ponchs de Lagrange (ò ponchs de libacion) son un ensems de posicions de l'espaci onte lei camps de gravitat de dos còrs en movement orbitau l'un a l'entorn de l'autre fornisson la fòrça centripèta precisa que permet a aquelei ponchs d'acompanhar d'un biais simultanèu lo movement orbitau dei dos còrs.

Aquelei ponchs presentan un interès important en astronomia dins lo cas de dos objèctes en orbita circulara. D'efiech, dins aqueu cas, lei ponchs de Lagrange correspondon ai ponchs ont un objècte de massa negligibla seriá en equilibri, es a dire immobil a respèct dei dos objèctes. Lei ponchs L₁ a L₃ son instables mai lei ponchs L₄ e L₅ son estables, çò que significa qu'un objècte posicionat a aquel endrech i demòra (en l'abséncia de perturbacions exterioras).