Seu

Lo seu es un produch residual obtengut per la fonda de la grassa d'espècias animalas coma lo feda e lo buòu.

Aquesta matèria primièra es utilizada en sabonariá per la fabricacion del sabon per una reaccion de saponificacion. Lo seu pòt èsser tanben utilizat per l'assopliment e l'impermeabilizacion dels cuers. Enfin, font de lipids energetics pòt tanben dintrar dins la composicion d'aliments pels animals. Es, subretot, utilizat per remplaçar la fraccion lipidica dins los lachs de substitucion pels vedels d'elevatge. Los riscs ligats a l'encefalopatiá espongifòrma bovina (ESB) pòdon far dobtar de l'innocuitat d'una tala practica. Mas, pas cap pròva de transmission de l'ESB per aquesta via foguèt portada.

A Medat Mejana e fins al sègle XIX, lo seu èra utilizat per l'esclairatge; èra lo combustible de la candèla de seu.

Lo seu, eissit dels tuadors es encara utilizat dins l'industria subretot coma lubrificant (grassa) e existís de projèctes d'utilizacion^[1].

Lo seu èra tradicionalament utilizat coma lubrificant sus la fusta (pels engranatges dels moulins) e l'es encara dins d'escasenças (sus una còta de laçament de naus) mas tanben dins de mecanismes idromecanics^[2].

En mecanica, lo seu es un excellent produch de proteccion de las aisinas e un fòrça bon lubrificant per l'usinatge, subretot d'alumini.

En alimentacion, lo seu extracha de la grassa de buòu situat a l'entorn dels renhons (lo mai fin) es utilizat, en Anglatèrra, coma matèria grassa dins lo Christmas pudding e dins lo nòrd de la França e Belgica per coire las fritas. Lo seu es tanben utilizat dins la preparacion de noiritura ivernala pels aucèls o per far estanc de las barricas o autras aisinas.

• Sagin