Louis Braille

Louis Braille (Nascut a Coupvray (Sèina e Marna, França) lo 4 de genièr de 1809 – mòrt lo 6 de genièr de 1852) foguèt un professor francés cèc, celèbre per l'invencion del sistèma de lectura pels cècs que pòta son nom, (sistèma Braille).

A l'edat de 3 ans perdèt la vista. L'uèlh esquèrra s'infectèt a causa d'un accident dins lo talhièr de selièr del paire al utilizar un esplech tròp pesat per el. La infeccion acabèt per aténher tanben l'uèlh drech, provocant una cecitat irreversible.

Aprèp qu'obtenguèt una borsa d'estudis, en 1819 s'anèt a París, ont dintrèt a l'Institut Nacional pels Joves Cècs, institucion ont mai tard venguèt professor. Dins aquel meteis centre encontrèt Charles Barbier, inventor de un sistèma de lectura pels cècs que Braille tansformèt e completèt fins a ne fa çò que vendrà lo sistèma universal de lectura pels afectats de cecitat.

Aquel sistèma, nomenat Braille en onor a son inventor, conta de 63 caractèrs formats de un a sièis punts e que son imprimits en relèu sus un papièr que permet la lectura mejans lo tocat. E mai, los caractèrs del sistèma, que Braille publiquèt en 1829 e 1837, foguèron adaptats per notar musicala, çò que aisís sa compreneson.

Malaút de Tuberculòsi, moriguèt lo 6 de genièr de 1852, foguèt enterrat dins sa vila mairala. En 1952, un sègle aprèp sa mòrt, sos rèstes fuguèron transportats a París e enterrats al Panteon.

• (es) [1]
• (fr) Braille 1809-2009 » L’écriture à 6 points et son avenir, 5 au 8 janvier 2009, Siège de l’UNESCO - Paris Associacion Valentin Haüy, Conferéncia internacionala a l'UNESCO (París) de 5 al 8 genièr de 2009
• (en) Celebracion dels 200 ans de Braille
• (en) Louis Braille Online Museum - American Foundation for the Blind