Folc III d'Anjau

Folc III d'Anjau, que li disián Nerra, en francés Foulques III (cap a 970 - Marçon, 21 de junh de 1040), foguèt lo quatren comte d'Anjau de 987 entrò la mòrt.

Folco Nerra foguèt una de las figuras pus marcantas entre la fin dau segle X e la prumiera mitat dau segle XI de l'Edat Mejana francesa, qu'assolidèt e alarguèt los domenis dau comtat d'Anjau e aumentèt son influéncia a la cor de França. , en tot persegre la construccion de fortalesas (coma Montbazon) e d'edificis religiós (coma l'abadiá de Beaulieu-lès-Loches, en 1007) en Anjau e en Torena; èra partisan de las «rotas comitalas», bastidas sul modèle roman. Folco èra d'un caracter impulsiu e contradictòri; emai se se comportava, en d'unas enchaisons, coma una persona vertadierament piosa, dins sos abús, ren podiá pas l'arestar, enquera mens los comandaments de Dieu. L'istorian francés Achille Luchaire qualifiquèt Folco Nerra: «un daus batalhaires pus agitats de l'Edat Mejana».