Guèrra de Botan
|
Guèrra de Botan
| |
|---|---|
| Informacions generalas | |
| Data | 1864-1865 |
| Luòc | Frontiera entre Índia Britanica e Botan |
| Cambiaments territorials | Annexion britanica d'una partida d'Assam, de Bengala e de Dewangiri (tractat de Sinchula) |
| Eissida | Victòria britanica |
| Belligerants | |
 Reiaume Unit
|
Botan |
La Guèrra de Botan foguèt un conflicte de la colonizacion britanica d'Índia que se debanèt de 1864 a 1865. Opausèt Reiaume Unit a Botan. Après una guèrra civila intèrna botanesa, lei Britanics mandèron una mission diplomatica que sei prepausicions foguèron pas acceptadas per lo govèrn novèu. En novembre de 1864, lo govèrn britanic decidiguèt donc de declarar la guèrra au Botan que teniá pas d'armada regulara ni d'armament modèrn. Pasmens, maugrat aqueu desequilibri, lei combatents botanesas capitèron de resistir cinc mes e lei Britanics foguèron desfachs mai d'un còp. La guèrra s'acabèt per lo tractat de Sinchula : Botan perdèt una partida d'Assam, de Bengala e de Dewangiri mai demorèt independent.