Chongqing

Chongqing (chinés simplificat: 重庆, chinés tradicional: 重慶, Postal System Pinyin: Chungking) es la mai granda (82 300 km²) e mai poblada (31 831 835 abitants en 2009) de las municipalitats de la Republica Populara de China. Fins a 1997 èra partida de la província de Sichuan, e al tèrme de Hubei, Henan, Guizhou e Shaanxi .

L'abreviacion municipala - Yú (渝) – foguèt aprovada lo 18 d'abril de 1997. Lo nom deriva del nom ancian de la partida del riu Jialing que travèrsa Chongqing e s'escampa dins lo riu Yangzijiang.

L'àrea urbana de Chongqing (重庆市区) (mai de 4 milions d'abitants) inclusís lo districte de Yuzhong (渝中区, o "Districte Central de Chongqing"), lo central e amb mai granda densitat de poblacion, sèti de las del govèrn. Los autres districtes son Nan'an (南岸区, o "Districte de la marga meridionala") Jiangbei (江北区, o "Districte del Nòrd del riu "), Shapingba (沙坪坝区), Jiulongpo (九龙坡区), e Dadukou (大渡口区).

Chongqing possedís fòrça fonts d'aiga mineralas. A tanben de depaus importants de carbon, gas natural, alumini, estronci, marbre e mercuri. Entre las industrias de la municipalitat se destacan aquelas de las maquinas, quimia, petroquimia, farmacia e metallurgia. Existisson fòrça expleitacions agricòlas de familiaras. Los principals productes son lo gran, iranjas, tabat e mandarinas. Es un important centre d'elevatge de manhans.

La ciutat de Chongqing èra la capitala del Reialme Ba, ancian pòble que desapareguèt fa vint-e-cinc sègles. Essent alunhada de la Rota de la Seda, la vila perdèt tota son importància fins al sègle XIX quand las poténcias estrangièras avent d'interessès amb la China demandèron qu'obriscan la ciutat als estrangièrs. En 1901 se creèt una concession japonesa dins la ciutat. En 1938, Chongqing venguèt la capitala de la Republica de China, dirigida per Chiang Kai-shek que fugissiá l'invasion japonesa. La vila foguèt fòrça bombardada per las tropas japonesas pendent aquel periòde. Coma capitala de la China nacionalista la vila se desvolopèt, e en qualques ans, passèt de 200 000 a mai d'un milion d'abitants.

• Dŏng Yuán.

Tolosa,  Occitània

• (ca)Informacion sus Chongqing
• Mapa del centre de la vila
• (Lengas siniticas)Mapa de districtes / Version 2
• Megalopolis: 24 òras a Chongqing (Channel 4 News)
• (en)The Guardian, 15 de març 2006, "Invisible city"
• Mapa de Chongqing
• Mapas satellita de Google
• (Lengas siniticas)(en)Pàgina oficial

v · m divisions territorialas de china
Municipalitat	Chongqing  · Pequin  · Shanghai  · Tianjin
Províncias	Anhui  · Fujian  · Gansu  · Guangdong  · Guizhou  · Hainan  · Hebei  · Heilongjiang  · Henan  · Hubei  · Hunan  · Jiangsu  · Jiangxi  · Jilin  · Liaoning  · Qinghai  · Shaanxi  · Shandong  · Shanxi  · Sichuan  · Yunnan  · Zhejiang
Regions administrativas especialas	Hong Kong  · Macau
Regions autonòmas	Guangxi  · Mongolia Interiora  · Ningxia  · Tibet  · Xinjiang