Cabala

La Cabala (קבלה en ebrieu, literalament "recepcion") es l'ensemble daus ensenhaments esoterics e mistics pròpris dau judaïsme rabinic, ja eschampats a partir daus segles XII-XIII; au sens large, lo terme designa los movements esoterics nascuts dins los cercles judius a la fin dau periòde dau Segond Temple de Jerusalem.

Segon la creissença tradicionala, la prumiera coneissença cabalistica fuguet transmesa oralament per los patriarchas, los profetas e los saberuts. De 'queu punt de vista, la prumiera Cabala a l'entorn dau segle X avans nòstra èra, fuguet la coneissença duberta practicada per mai d'un milion de personas dins l'Israèl antic. A causa de las conquistas entrangieras, lo Sanedrin (conselh suprem daus jusieus) rescondet 'quela coneissença e la rendet secreta, tement que poguesse èsser utilizada impròpriament.