Joan XVIII
Joan XVIII (mòrt en junh ò julhet de 1009) foguèt lo 141en papa de la Glèisa Catolica dau 25 de decembre de 1003 a junh de 1009. Succediguèt a Joan XVII (mai-novembre de 1003) e foguèt remplaçat per Sèrgi IV (1009-1012).
Foguèt elegit gràcias au sostèn dau patrician Joan Crescentius qu'aviá pres lo contraròtle de Roma vèrs 1001 gràcias a una revòuta còntra l'emperaire Oton III (983-1002). Dins un contèxte malaisat (guèrras en Itàlia, epidemia de pèsta en Roma...), son pontificat foguèt subretot marcat per una importanta òbra administrativa destinada a melhorar lo foncionament de la Glèisa. Contunièt tanben l'esfòrç de son predecessor per evangelizar leis Eslaus amb la creacion de l'evescat de Bamberg. Enfin, capitèt de melhorar lei relacions entre lei Glèisas Occidentala e Orientala e foguèt reconegut coma evesque de Roma per Constantinòble.
Abdiquèt en junh de 1009 e se retirèt dins un monastèri onte moriguèt rapidament.