Trollhättans kommun

Denne artikkelen treng referansar for verifikasjon. Du kan forbetra artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningane/påstandane som treng kjeldebelegg ved å tilføya {{tr}} etter påstanden.

Trollhättans kommun
kommune
Kommunevåpen
Land	Sverige
Len	Västra Götalands län
Landskap	Västergötland
Del av	Västergötland, Q61561827, Q61562212
Centralort	Trollhättan
Areal	430,24 km²
•  land	412,14 km²
•  vatn	18,1 km²
Folketal	54 378
Folketettleik	131 / km²
Trollhättans kommun 58°17′00″N 12°17′00″E / 58.283333333333°N 12.283333333333°E / 58.283333333333; 12.283333333333
Kart som viser Trollhättans kommun.
Wikimedia Commons: Trollhättan Municipality
Nettstad: www.trollhattan.se

Trollhättan er ein by og kommune i Västergötland, Västra Götalands län i Sverige.

Byen har vakse opp ved Trollhättefallen, digre fossar i Göta elv som no er oppdemde. Han fekk bystatus så seint som 1916, men var allereie då ein av dei større byane i landet.

Første gongen staden er nemnd i skrift, Trollhetta qvarn, er 1413. Frå mellomalderen av har kvern- og sagverksemd vore driven ved elvestranda, der byens sentrum ligg i dag, og eit samfunn har etter kvart vakse fram.

Sluser blei bygde i 1800 like ved staden (etterfølgde av nye og større i 1844 og 1916), og det letta i høg grad varefrakt frå innlandet (t.d. Värmland) til Nordsjøen. Den nye skipsfarten var sjølvsagt til gagns for staden, likesom energien frå dei høge fossane, som kunne nyttast til industrielle føremål.

Frå 1800-talet av har samfunnet stadig ekspandert og blitt omdana, under dominans av ulike industriar i ulike tider. Nydqvist & Holm AB (Nohab), kanskje mest kjende for sine damplokomotiv, var byens første store fabrikk. I fleire tiår har no Saab sin bilfabrikk dominert, og framgang og motgang for Saab har innebori det same for Trollhättan. Det er først i dei siste åra at byens næringsliv har blitt litt meir mangslunge, slik at avhengnaden av éi bedrift minkar.

Folketalet voks stadig og raskt fram til 1970-talet, då voksteren gjekk i stå. Frå 1990-talet av har byen begynt å vekse på ny, men no i eit rolegare tempo.

• Dei to største bedriftene er Saab Automobile och Volvo Aero, saman har dei drygt 10 000 tilsette.
• Filmindustri er ei ny næring som veks fram i byen, spøkefullt kalla «Trollywood». Film i Väst lagar no om dagen halvparten av svenske langfilmar.

Byen forsyner ikkje berre den eigne kommunen med arbeid, nabokommunane er òg i høg grad avhengige av han. Heile regionen har om lag 200 000 innbyggjarar, medrekna alle kommunar som direkte eller indirekte er knytt til arbeidsmarknaden i Trollhättan.

Av di byen alltid har vore ein utprega industristad har han alltid vore sosialdemokratisk styrt.

• Trollhättan (44 046 innb.)
• Sjuntorp (2 142 innb.)
• Upphärad (593 innb.)
• Velanda (563 innb.)
• Väne-Åsaka (301 innb.)