Taifa

Taifa (frå arabisk طائفة‎ ṭā'ifa, fleirtal طوائف ṭawā'if, 'gruppe') er ei nemning brukt om dei ulike småkongedøma som herska i al-Andalus (muslimsk Iberia) på 1000-talet frå Córdoba-kalifatet braut saman til almoravidane erobra området seint på 1000-talet. Då Almoravidedynastiet braut saman gjenoppstod mange av taifaene, før dei blei gjenopptekne i Almohad-kalifatet. Dei bløma att då dette kalifatet fall, trass i konstant krigføring med kristne kongerike.^[1] Splitting og kaos i denne perioden gav den muslimske posisjonen på halvøya ein varig knekk, og var ein av hovudfaktorane til at den kristne gjenerobringa, reconquista, lukkast.

Taifaene heldt same kulturelle nivå som Córdoba-kalifatet, med hoff der diktarar, vitskapsfolk og andr lærde kunne verka.^[2] Derimot var dei militært svake. Dei var ofte nøydde til å betala tributt til dei kristne kongane, eller betala dei til å angripe rivalar.

• Badajoz (1012–1094), erobra av almoravidane
• Córdoba (1031–1069), erobra av Sevilla
• Granada (1013–1090), erobra av almoravidane
• Málaga (1026−1239), erobra av Granada-emiratet
• Sevilla (1023–1091), erobra av almoravidane
• Toledo (1012–1085), erobra av Castilla
• Valencia (1010−1238), erobra av Aragón
• Zaragoza (1010–1110), erobra av almoravidane