Wuhan

武汉 Wǔhàn
Uttale
Styresmakter
Land Provins	Folkerepublikken Kina Hubei
Grunnlagt	223 f.Kr.
Ordførar	Cheng Yongwen
Geografi
Flatevidd	8 569,15 km²
Flatevidd  - By	1557 km²
Innbyggjarar  - By (2007)    - folketettleik	9 700 000   1145,6/km²
Koordinatar	30°35′N 114°17′E / 30.583°N 114.283°E / 30.583; 114.283
Tidssone	UTC + 8 (UTC+8)
Diverse anna
Postnummer	430000-430400
Telefon-retningsnummer	+86/27
Bilnummer	A/ O
Heimeside: http://www.wuhan.gov.cn
Nettstad: wuhan.gov.cn

Wuhan er ein kinesisk storby som er hovudstad i provinsen Hubei i det sentrale Kina. Folketalet innanfor bygrensene var i 2007 omtrent 6 600 000, men heile storbyområdet har 9,7 millionar innbyggarar.

Namnet «Wuhan» er ei samantrekking av namna til dei to store byane på nord- og sørbreidda av Yangtze som utgjer storbyen. «Wu» viser til Wuchang (kinesisk skrift 武昌) på sørbreidda av elva, medan «Han» viser til Hankou (forenkla kinesisk 汉口) på nordbreidda.

Nordfelttoget i Kina kom til området i 1926, og vedtok å slå saman Hankou, Wuchang og distriktet Hanyang til ein by som kunne vera hovudstad for nasjonalist-styrte Kina. 1. januar 1927^[1] blei den nye byen utropt. Namnet blei først skrive 武漢 med tradisjonell kinesisk skrift, og seinare forenkla til 武汉.^[2][3][4]

Storbyområdet ligg der Han-elva blir del av Yangtze-elva, aust på Jianghan-sletta.

Wuhan-området har vore folkesett i minst 3 500 år. Panlongcheng i Huangpi-distriktet er ein arkeologisk funnstad som særleg er knytt til Erligang-kulturen (ca. 1510–ca. 1460 fvt.), med ein tynnare folkesetnad under den tidlegare Erlitou-kulturen.

Wuchang-opprøret, som enda med at Qing-dynastiet fall, vart starta i Wuhan av følgjarane til Sun Yat-sen den 10. oktober 1911.^{[5][6][7][8][9]}

Opprøret vart til ein revolusjon, og etterkvart som revolusjonen spreidde seg til andre delar av landet konsentrerte Qing-styret lojale væpna styrkar mot opprøret i Wuhan.

Slaget om Yangxia fann stad frå 17. oktober til 1. desember, der revolusjonshæren og lokale frivillige forsvara byen mot dei overtalige Qing-styrkane leia av Yuan Shikai. Huang Xing kom til Wuhan tidleg i november for å leie revolusjonshæren.^{[8][7][10][11]}

I desember 2019 vart eit nytt koronavirus først identifisert i Wuhan, SARS-CoV-2 som forårsaka koronavirus-pandemien i 2019–2020.^[12][13]

Konsern som har hovudkvarter i byen er mellom anna WISCO (Wǔhàn gāngtiě (jítuán) gōngsī, 'Wuhan jarn- og stål-korporasjon'), og bilfabrikanten Dongfeng Peugeot-Citroën.

Wuhan har status som subprovinsiell by. Byen blir styrt av lokalavdelinga av Det kinesiske kommunistpartiet. Det lokale partiet gjev administrative ordrar, samlar inn skatt, styrer økonomien og gjev styring til ein lokal folkekongresskomité som tek politiske avgjerder.

• Utbrotet av Corona-virus i Wuhan i 2019 og 2020

Denne artikkelen treng fleire referansar for verifikasjon. Du kan forbetra denne artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningene/påstandene som treng kjeldebelegg ved å tilføya {{tr}} etter påstanden. Malen blei sett inn 2019

Commons har multimedium som gjeld: Wuhan

• Offisiell nettstad
• Wuhan i Store norske leksikon
  Denne geografiartikkelen som har med Kina å gjere, er ei spire. Du kan hjelpe Nynorsk Wikipedia gjennom å utvide han.