Storumans kommun

Storumans kommun
kommune
Kommunevåpen
Land	Sverige
Len	Västerbottens län
Landskap	Lappland
Del av	Lappland i Sverige, Q61669443
Areal	8 234,1 km²
•  land	7 303,53 km²
•  vatn	930,57 km²
Folketal	6 042[1]  (2011)
Storumans kommun 65°06′N 17°06′E / 65.1°N 17.1°E / 65.1; 17.1
Kart som viser Storumans kommun.
Wikimedia Commons: Storuman Municipality

Storuman kommune er ein svensk kommune i Västerbottens län i landskapet Lappland. Administrasjonssenteret ligg i Storuman og kommunen hadde 6 042 innbyggjarar den 31. desember 2011.

I Sverige grensar Storuman kommune mot Sorsele kommune i nord, Vilhelmina kommune i sør, og Lycksele kommune i aust. I Noreg grensar han mot Hattfjelldal kommune, Hemnes kommune og Rana kommune. Kommunen er kalla opp etter innsjøen Storuman.

I 1780 vart Tärna forsamling utskilt frå Lycksele forsamling som eit kapellag. I 1822 vart deretter Stensele forsamling utskilt frå Lycksele forsamling som eit eige sokn.

Under kommunereforma i 1862 vart Tärna og Stensele slått saman og omdanna til landkommunen Stensele. Tärna vart deretter i 1903 utskilt som ein sjølvstendig landkommune, mens Stensele oppretta eit municipalsamhälle i Storuman i 1936 og eit anna i Stensele i 1937, som vart oppløyst i høvesvis 1963 og 1964.

Under kommunereforma i 1971 vart dei to landkommunane Stensele og Tärna attforeint under det nye namnet Storuman kommune.

I 1951 fekk landkommunen Stensele eit eige kommunekommunevåpen, men ikkje Tärna. Etter attforeininga i 1971 valde ein eit nytt kommunevåpen, som vart registrert av Patent- och registreringsverket i 1985. I følgje blasoneringa symboliserer den øvste delen silhuetten av Ryfjellet, sett frå nordvest, medan den nedste delen representerer skogane i kommunen.

• 
  Stensele landskommune
  (1951-1970)

Samisk har status som offisielt minoritetsspråk i kommunen^[2] og Storuman kommune inngår i forvaltningsområdet for samisk språk i Sverige.

Ume älv renn gjennom kommunen. Lengst vest i kommunen er det høgfjellsområde, og det høgaste fjellet er Norra Sytertoppen (1768 moh). I nordaust ligg Artfjället med omfattande underjordiske grottesystem.^[3]

E12 og E45 går gjennom kommunen, og Storuman er knytt til det svenske jernbanenettet gjennom Inlandsbanan og tverrsambandet mellom Storuman og Hellnäs på Stambanan genom övre Norrland. Storuman var fram til 2010 den einaste kommunen i Sverige som hadde to flyplassar med ruter innanfor kommunegrensene. Det er derimot ingen ruteflygingar lenger til Storuman flyplass, men frå Hemavan Tärnaby flyplass er det dagleg samband til Stockholm.

Storuman kommune er kjend for vintersportstaden Tärnaby, som har fostra alpintstjerner på løpande band. Jens Byggmark, Ingemar Stenmark, Bengt-Erik Grahn, Anja Pärson og Stig Strand kjem alle herfrå.

I år 2000 vart fire stader i Storuman kommune definerte som tettstader. Tabellen nedanfor gjev innbyggjartal per 31. desember 2005.^[4]

Det finst sju småstader i Storuman kommune (folketal per 31. desember 2005)^[4]:

• Offisielle heimesider