Sekstendelsnote

Ein sekstendelsnote, på italiensk semicroma, er i musikknotasjon ein note som tilsvarar 1/16 (éin sekstendel) av verdet til ein heilnote. Med andre ord går det 16 sekstendelsnotar på den tida det tek å spele éin heilnote. Ein enkel sekstendelsnote er avbilda med hovud, hals og to faner festa til halsen. Som regel opptrer sekstendelnotane i grupper, der alle notane festast saman ved hjelp av to notebjelkar. På den måten blir det òg mykje lettare for musikarar å lese partitur der notane finst.