Namnet Ada

Sjå og andre tydingar av ordet Ada

Ada er eit kvinnenamn som kan ha ulike opphav. Det kan vera ei kortform av tyske namn som byrjar på Adel-, særleg Adelheid. Det kan då tyda 'edel' eller 'adeleg'. Namnet kan òg vera ein skrivemåte for hebraisk adá (עָדָה), som kan tyda 'pryd' eller 'soloppgang'.

Ada har norsk namnedag den 4. mars og svensk den 10. mars.

Ada er eit utbreidd namn i Italia. I Noreg har det vore brukt frå rundt 1850. Det var populært frå ca. 1915 til ca. 1935, då 0,10 % eller fleire av nyfødde jenter fekk namnet. I løpet av 1980-talet tok bruken til å auka igjen, og etter 2000 voks bruken kraftig, til over 0,30 %.

Det er over 1 500 kvinner som ber namnet Ada i Noreg (2009).

• I Bibelen:
  • Kone av Lamek, etterkomar av Kain
  • Den første kona til Esau, også kalla Basmat, dotter av hittiten Elon, mor til Elifaz og stammor til edomittane
• Den heilage Ada, fransk benediktinarnonne og abbedisse
• Ada som stod bak Ada-testamentet i Trier, syster av Karl den Store
• Ada av Karia, dronning som levde på 300-talet
• Grevinne Ada av Holland (1188–1223)
• Ada Sari (1882–1968), polsk operasongar
• Ada Cross, (1844–1926), f. Cambridge, britisk forfattar
• Ada Christen (1839–1901), austerriksk forfattar
• Ada Lovelace (1815–1852), engelsk matematikar og datapioner
• Ada Negri (1870-1945), italiensk forfattar

• Søk etter norsk namnestatistikk for Ada hjå Statistisk Sentralbyrå
• Internasjonal namnestatistikk for Ada på behindthename.com