Magellanpingvin

Magellanpingvin
Ein magellanpingvin sør i Argentina.
Utbreiing og status
Status i verda: Livskraftig Utbreiinga av magellanpingvin
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sphenisciformes
Familie:	Pingvinar Spheniscidae
Slekt:	Spheniscus
Art:	Magellanpingvin S. magellanicus
Vitskapleg namn
Spheniscus magellanicus Forster, 1781

Magellanpingvin (Spheniscus magellanicus) er ein mellomstor pingvinart som er i slekt med galapagospingvin, kappingvin og humboltpingvin. Namnet kjem av at pingvinen held til i Magellansundet, men hekkar også sør i Argentina og Chile på Eldlandet og på Falklandsøyane.

Pingvinen kan bli om lag 75 cm lang og oppnå ei vekt på 6,5 kg. Hannane er noko større enn hoene. Fjørdrakta er kvit på buken og svart på magen. Ville pingvinar kan bli opp til 25 år gamle, i fangenskap kan dei bli 30. Føda deira er små blekksprutar, sardinar, krill og andre krepsdyr.

Magellanpingvinen legg to egg som foreldra byter på å ruga på i om lag 40 dagar. Vanlegvis veks begge ungane opp, men det hender at berre ein av dei overlever. Desse pingvinane er seriemonogame.

Magellanpingvinen er den mest talrike av artane i familien sin. Ein reknar med at det finst mellom 4,5 og 10 millionar ville eksemplar. Tidlegare utnytta ein guanoen frå dei mange fuglane til gjødsel i jordbruket.^[1] Likevel er statusen sett til nær truga på grunn av klimainngrep som oljesøl og at føda deira skiftar leveområde.

• (no) magellanpingvin hos Artsdatabanken
• (en) magellanpingvin – oversikt og omtale av artane i WORMS-databasen
• (en) magellanpingvin i Global Biodiversity Information Facility
• (en) magellanpingvin hos ITIS
• (en) magellanpingvin hos NCBI
• (en) Kategori:Spheniscus magellanicus – bilete, video eller lyd på Wikimedia Commons
• (en) Spheniscus magellanicus – galleri av bilete, video eller lyd på Wikimedia Commons
• Spheniscus magellanicus – detaljert informasjon på Wikispecies