Flodsvin
| Flodsvin | |
 Flodsvinhann | |
 Flodsvinhoe | |
| Utbreiing og status | |
Status i verda:  Livskraftig Utbreiinga av flodsvin | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Pattedyr Mammalia |
| Orden: | Gnagarar Rodentia |
| Familie: | Marsvinfamilien Caviidae |
| Slekt: | Hydrochoerus |
| Art: | Flodsvin H. hydrochaeris |
| Vitskapleg namn | |
| Hydrochoerus hydrochaeris | |
Flodsvinet (vitskapleg namn på latin Hydrochoerus hydrochaeris), også kalla kapivar eller kapybara, er den største gnagaren i verda.
Flodsvinet er mellom 1 og 1,3 meter langt, og veg 35-66 kg.[1] Det har delvis symjehud mellom tærne. Nesebora, auga og øyra sit høgt oppå hovudet slik at flodsvinet kan lukte, sjå og høyre medan det sym. Det er ein framifrå symjar og dykkar i elvar, innsjøar og sumpar.[2] Flodsvin kviler om morgonen, er i vatnet under middagsheta, beitar vatnplanter, knopar og mjuk trebark om kvelden, kviler att rundt midnatt og byrjar å beite att mot daggry. Dei vandrar vidare til nye beitemarker når dei treng det, og kan raide dyrka mark og opptre som skadedyr nokre stader.
Flodsvinet lever i ulike grupperingar: Par, familiar med ungar, og større, blanda flokkar som er dominerte av ein hann som parar seg med alle hodyra i flokken. Flodsvinet streifar rundt på territoriet, som det duftmarkerer, og jagar bort inntrengjarar[2]. Etter å ha gått drektig i 150 dagar føder hodyret 1-8 pelskledte ungar (vanlegvis 5) som kan springe, symje og dykke berre få timar etter fødselen. Mennesket er mellom dei største fiendane til flodsvinet, som drep det grunna kjøtet og skinnet.
Referansar
[endre | endre wikiteksten]- ↑ «Capybara Facts». Smithsonian National Zoo Park. Henta 8. januar 2016.
- ↑ 2,0 2,1 Frens, K. (2009). «Hydrochoerus hydrochaeris capybara». Animal Diversity Web. University of Michigan Museum of Zoology. Henta 8. januar 2016.
Bakgrunnsstoff
[endre | endre wikiteksten]- (en) flodsvin i Encyclopedia of Life
- (en) flodsvin i Global Biodiversity Information Facility
- (en) flodsvin hos Fossilworks
- (en) flodsvin hos ITIS
- (en) flodsvin hos NCBI
- (en) Kategori:Hydrochoeris hydrochaeris – bilete, video eller lyd på Wikimedia Commons
- (en) Hydrochoeris hydrochaeris – galleri av bilete, video eller lyd på Wikimedia Commons
- Hydrochoerus hydrochaeris – detaljert informasjon på Wikispecies
