Fotballklubben Bodø/Glimt

Bodø/Glimt

Fullt namn	Fotballklubben Bodø/Glimt
Kallenamn	Glimt
Grunnlagd	19. september 1916
Heimebane	Aspmyra stadion (kapasitet: 7 400)
Styreleiar	Mads Torrissen
Hovudtrenar	Kjetil Knutsen
Supporterklubb	Den Gule Horde
Liga	Eliteserien i fotball for menn
Budsjett 2010	37-38 millioner[1]
Heimedrakt Bortedrakt
Noverande sesong

Bodø/Glimt er ein fotballklubb som speler i den norske Eliteserien. Laget held til på Aspmyra stadion i Bodø. Noverande hovudtrenar er Kjetil Knutsen.

Oppdatert 1. juli 2020.^[2] Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.

Nr. Posisjon Spelar 1 K Joshua Smits 2 F Marius Lode 3 F Alfons Sampsted 4 F Marius Høibråten 5 F Fredrik Bjørkan 6 F Isak Helstad Amundsen 7 MB Patrick Berg 8 A Victor Boniface 10 A Philip Zinckernagel 11 A Jens Petter Hauge 12 K Nikita Haikin 14 MB Ulrik Saltnes 16 MB Morten Konradsen 17 A Sebastian Tounekti

Nr. Posisjon Spelar 18 F Brede Moe 19 A Sondre Brunstad Fet (på lån fra Aalesund) 20 MB Sammy Skytte 21 A Kasper Junker 22 A Ole Amund Sveen 24 F Aleksander Foosnæs 25 K Marcus Andersen 26 A Ola Solbakken 31 MB Kent Malic Swaleh 32 A Elias Hoff Melkersen 33 A Mads Fagerli Halsøy 35 MB Adan Abadala Hussein 37 MB Ask Tjærandsen-Skau 43 K Jonas Kolstad

Oppdatert 1. juli 2020. Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.

Nr. Posisjon Spelar 15 A Runar Hauge (hos Grorud til 31. august 2020)

Nr. Posisjon Spelar 19 A Amadou Konaté (hos Lyon-Duchère til 30. juni 2020)

Fotballklubben Bodø/Glimt vart stifta i 1916. Fotballen vart introdusert relativt seint i Bodø. Nabobyar som Narvik og Mo hadde stifta sine klubbar tidlegare. Men i 1916 fekk Bodø fotballaget sitt då fotballklubben Glimt vart stifta. Glimt var òg namnet til klubben i mange år, men det viste seg at ein klubb i Orkdal alt hadde namnet «Glimt» og dermed måtte klubben legge til «Bodø». Mange bodøværingar kallar framleis Bodø/Glimt for berre Glimt.

Ein av dei som var med på å stifte Glimt i 1916 var Erling Tjærandsen. Han vart den første leiaren til klubben og seinare æresmedlem. Fordi Bodø berre hadde eitt fotballag, var den første kampen til Glimt mot Bodø Gymnas, ein kamp Glimt vann. Første tittel kom i 1919 då Glimt vart kretsmeister i Nordland. Derimot fall interessa og Glimt mista oppslutning på 1920-talet. Klubben sleit med dårleg økonomi og det vart snakka om å innlemme Glimt i allidrettsklubben Bodø & Omegnens Idrettsklubb. Det vart derimot aldri noko meir enn med praten om innlemming.

På 1930-talet fekk klubben ein ny glød. Glimt fekk fleire inspirerande besøk frå trenarar og spelarar sørfrå, ein av desse var Lyn og landslaget sin storscorar Jørgen Juve. Samstundes innførte Glimt nye treningsmetodar og innandørsfotball i vinterhalvåret. Dei nye treningsmetodane bar frukter, første nord-noregsmeisterskapen vart vunne i 1930. Frå 1930-talet har Glimt vore i toppen av nordnorsk og frå 1970-talet norsk fotball.

Det er fotballklubbar i Noreg som har vunne meir og som i større grad har sett preget sitt på norsk fotballhistorie enn Bodø/Glimt. Men det er ikkje mange som i nyare tid har opparbeidd ein slik status og vorte eit slikt symbol og identitetsfaktor for ein heil landsdel, innbyggjarane deira og næringslivet. Denne effekten kan kanskje òg delvis tilskrivast NFF som lengje nekta nordnorske lag å delta i cup- og seriemeisterskapen.

Ein ny epoke starta i 1963, då nordnorske klubbar for første gongen fekk høve til å delta i NM-cupen. I den første sesongen sin i cupen spelte Glimt seg heilt fram til kvartfinalen. Glimt slo Norild 7-1 i første runden. Dei to neste rundane måtte Bodø/Glimt spele borte mot Nidelv og Rosenborg, begge var topplag frå Trondheim og begge vart slått på Lerkendal Stadion. I kvartfinalen meinte mange at Glimt skulle ha heimekamp, men vart likevel sett opp med bortekamp mot toppklubben Frigg frå Oslo. Glimt vart slått 1–0 av Frigg på eit fullsett Bislett stadion. Dette var likevel for dei fleste nordlendingane som å oppleve ein ny frigjeringsdag. Etter kampen stod 300-500 nordlendingar, som tidlegare ikkje hadde lete røysta si høyre i hovudstaden, igjen på Bislett og song «Å, eg veit meg eit land, langt der oppe mot nord. Der eg gjerne er gjest, der mitt hjarte er fest.» Bodø/Glimt hadde bevist at nordnorske lag kunne konkurrere på toppnivå berre dei fekk lov til å delta.

Bodø/Glimt er det einaste laget frå Nord-Noreg som har delteke i cupen i alle år. Frå 1963 då alle norske lag har hatt høve til å kvalifisere seg til deltaking i cupen har Bodø/Glimt delteke alle 46 sesongar, like etter følgje Tromsø IL som har delteke 41 gonger. Bodø/Glimt er elles eitt av tre nord-norske lag som har spelt i den øvste divisjonen. Dei to andre er Tromsø IL og Mjølner frå Narvik.

Først i 1972 fekk nordnorske lag høve til å kvalifisere seg til allnorsk fotball. Delinga av norsk fotball før 1972 hadde nok delvis årsak i dårleg samferdsel mellom nord og sør, men òg ei oppfatning i Noregs Fotballforbund om eit dårlegare nivå på dei nordnorske laga. I tida fram til 1972 vart Bodø/Glimt Nord-Noregsmeister ni gonger.

Sjølv om nordnorske lag på papiret fekk delta i toppserien frå 1972 fortsette Fotballforbundet forskjellsbehandlinga overfor dei nordnorske laga. Frå 1973 var det tre 2.-divisjonsavdelingar i Noreg, to sørnorske og ei nordnorsk. Seriesystemet var slik at dei to vinnarane i dei sørnorske avdelingane vart direkte kvalifisert til toppdivisjonen, medan vinnaren av den nordnorske avdelinga måtte inn i ein ekstra kvalifiseringsomgang med andrelaga frå sør-avdelingane. Dette merkelege kvalifiseringssystemet medførte at Glimt måtte – som avdelingsvinnar – ut i kvalifisering både i 1974 og i 1975. Dette trass i at Glimt ikkje tapte ein einaste seriekamp verken i 1974 eller i 1975. I 1975 vart Bodø/Glimt til og med Noregsmeister og vann alle kampane i serien. I Fotballforbundets offisielle jubileumsbok Fotball! Noregs Fotballforbund 100 år blir seriesystemet omtalt slik: «Landsdelen hadde fått eit svært så godt fotballag der hardtarbeidande lokale spelarar var blanda med heimvendte søner med heltestatus som måtte overkome ikkje berre motstandarar på banen, men òg eit djupt urimeleg seriesystem. Urettferda i dette beviste Glimt gjennom sine cup-prestasjonar». Først frå 1979 vart seriesystemet lagt om slik at alle kunne nå den øvste divisjonen på same måte, uansett kva for ein landsdel laga kom frå.

I 1976 klarte Bodø/Glimt å kvalifisere seg til toppserien etter å ha slått Odd Grenland 4–0 på Aspmyra og tap 1–0 mot Lyn på Ullevaal. Som nyopprykt lag oppnådde Glimt seriesølv og cup-sølv i 1977. Lillestrøm tok begge gullmedaljane.

Tida på 70-talet var eit eventyr i tilhøve til engasjement og publikumsoppslutning. Ein ting var at Glimt med Harald «Dutte» Berg i spissen sprengte sportslege grenser. Noko heilt anna var stoltheita nordlendingane følte etter kvart som Glimt sette dei sørnorske topplaga på plass. Kvartfinalekampen mot Viking i 1975 samla 12 041 tilskodarar på Aspmyra stadion i ein by som då hadde knappe 30 000 innbyggjarar. Tilskodartalet er enno det største på noko idrettsarrangement i Nord-Noreg den dagen i dag. Etter store kampar blir det sagt at dei to Bodøavisene selde eit par tusen aviser berre i Mo i Rana. VG og Dagbladet hadde fem-seks sider med stoff etter slike kampar.

Innsatsen for regional sjølvkjensle vart heidra av både nordlendingar og trønderar i 1975. Då fekk Glimt det trønderske heidersmerket Olavstatuetten av Trondheimsavisa Adresseavisen som dermed inkluderte Bodø i Midt-Noreg. Nordland fylkeskommune delte ut kulturprisen sin til til cupmeistrane i 1975. Den tydinga Glimt hadde for nordnorsk sjølvkjensle blir oppsummert i Nordnorsk Kulturhistorie, bind 1 slik: «Bodø-Glimt var ei regionalt sak, dei felles symbola til landsdelen på at ein hadde fått oppreisning og oppnått likeverd» (s. 435-436).

Etter toppseriedebuten i 1977 spelte Bodø/Glimt fire sesongar før laget enda sist på 12. plass og rykte ned i 2. divisjon i 1980.

1980-talet var dei mørkaste åra til Bodø/Glimt. Klubben veksla om å spele i 1. divisjon og den regionale 2. divisjonen. Botnåret var i 1984 då Glimt spelte i 3. divisjon, medan veslebror Grand Bodø spelte i 2. divisjon. Lojaliteten til Glimt var likevel enno stor, og det var fleire tilskodarar på Glimtkampane enn på kampane til Grand i divisjonen over.

Klubben si vandring i mørket slutta i 1991 då Jan Muri overtok trenaransvaret. Bodø/Glimt rykte opp frå andre- til førstedivisjon føre Grovfjord Idrettslag. I 1992-sesongen fekk Glimt Trond Sollied som spelande trenar, klubben vann førstedivisjon og rykte opp til toppserien. I toppseriecomebacket i 1993 gjorde Glimt som i debuten i 1977. Klubben tok seriesølv og tok seg fram til cupfinalen. I motsetnad til 1977-laget klarte 1993-laget å vinne cupfinalen. Cupfinaleseieren sette punktum for tre fantastiske år, Glimt hadde gått frå andredivisjon til seriesølv og cupgull på tre år. Ein prestasjon som ingen har gjort einkvansinne i norsk fotball.

1990-talet vart eit berg- og dalbane for Bodø/Glimt. Gode prestasjonar eitt år vart gjerne følgt opp med botnstrid året etter. Dette var særleg gjeldande i 1994 og 1996 då Glimt følgde opp seriesølv og -bronse med nesten nedrykk det påfølgjande året.

Trenden frå 1990-talet ser ut til å bli følgt i det nye tusenåret. Dobbelt sølv i serie og cup bak Rosenborg i 2003 vart følgt opp med kvalifiseringspel mot Kongsvinger IL Toppfotball i 2004. I kvalifiseringa tapte Glimt 0–1 på bortebane, men vant sikkert 4–0 heime på Aspmyra veka etter. Dermed vann Glimt samanlagt 4–1 og heldt toppserieplassen endå eit år.

Året etter klarte ikkje Glimt å levere varene godt nok, og enda på jumboplass i Tippeligaen. Nedrykket var eit faktum etter 13 år i det gode selskapet.

Målet for 2006-sesongen var opprykk til Tippeligaen, men sjølv om Glimt kjempa i toppen heile sesongen, enda dei på 5. plass etter ein dårleg haustsesong. Trass i ein sterk stall og mange gode resultat, feilte Glimt ofte på bortebane og tapte avgjerande kampar mot topprivalane. Bodø/Glimt hadde òg store økonomiske problem i 2006, som i vondaste konsekvensen kunne sende klubben ned til 2. divisjon. Dette fekk sportslege konsekvensar då Glimt måtte selje to av dei beste spelarane sine til opprykksrival Bryne midt i sesongen. At laget mista toppscoraren Håvard Sakariassen og kapteinen Cato André Hansen, kan nok ha bidrege til den dårlege haustsesongen.

Før 2007-sesongen vart det ordenen på økonomien og klubben styrkte stallen i alle ledd. Bodø/Glimt hadde ein sterk start på 2007-sesongen og leia serien lenge. På hausten kom klubben inn i ein dårleg periode og tapte ei rekkje bortekampar. Til slutt enda Bodø/Glimt opp på ein skuffande tredjeplass i serien, som likevel gav kvalifiseringsspel til Tippeligaen. Etter å ha slått Odd Grenland 4-2 over to kampar, vart det 12. november 2007 klart at Bodø/Glimt igjen skulle spele fotball på øvste nivået i Noreg, som den første 1. divisjonsklubben sidan år 2000 som har klart å rykke opp gjennom kvalifiseringsspel.

Det vart eit sterkt møte med Tippeligaen i 2008-sesongen, der klubben både slo Rosenborg 1-3 borte og enda på fjerdeplass totalt. Igjen overraska klubben dei etablerte laga som saman med ekspertkommentatorar hadde dømt «nordlændingan» nord og ned føre sesongen. 2009-sesongen gjekk ikkje like bra, og Glimt rykte ned til Adeccoligaen same år, sidan den gong har Glimt spelt i den nest øvste divisjonen.

2000: 10. plass i Eliteserien.

2001: 9. plass i Eliteserien.

2002: 10. plass i Eliteserien.

2003: 2. plass i Eliteserien (Sølv).

2004: 12. plass i Eliteserien Kvalifisering.

2005: 14. plass i Eliteserien Nedrykk til Adeccoligaen.

2006: 5. plass i Adeccoligaen.

2007: 3. plass i Adeccoligaen (Opprykk etter kvalifisering).

2008: 4. plass i Eliteserien.

2009: 15. plass i Eliteserien Nedrykk til Adeccoligaen.

2010: 6. plass i Adeccoligaen.

2011: 5. plass i Adeccoligaen.

2012: 5. plass i Adeccoligaen Tap i kvalifisering.

År	Faktiske utgifter[3]	Budsjett	Resultat[3]	Kommentar
2010	?	37 276 200	?	[4]
2009	?	Nær 53 000 000	+ 2 600 000*	[5][6] *Klubben, konsernet hadde et overskudd på 1,9 mill.
2008	57 900 000	51 000 000	- 8 700 000	[7]
2007	42 600 000	37 000 000	- 5 200 000	[8]
2006	34 300 000	30 000 000	- 1 930 000	[8]
2005	31 800 000	30 000 000	- 3 440 000	[9]
2004	28 500 000	23 000 000	- 3 350 000	[10]
2003	28 000 000		- 3 220 000
2002	23 600 000		- 7 134 000
2001	29 200 000		+ 6 500 000
2000	20 900 000		- 991 000
1999	18 800 000		-75 000
1998	16 900 000		+ 32 000
1997	18 300 000		+ 2 400 000

Nordnorsk meister: 1930, 1933, 1934, 1939, 1952, 1963, 1964, 1967 og 1969.

• 1975: Bodø/Glimt - Vard (2–0)
• 1977: Bodø/Glimt - Lillestrøm (0–1)
• 1993: Bodø/Glimt - Strømsgodset (2–0)
• 1996: Bodø/Glimt - Tromsø. (1–2)
• 2003: Bodø/Glimt - Rosenborg (1–1, 1–4 eeo)

Sesong	Cup	Runde	Land	Motstandar	Resultat
1976/1977	Cupvinnarcupen	1. runde	Italia	SSC Napoli	0-2, 0-1
1978/1979	Cupvinnarcupen	1. runde	Luxembourg	Union Luxembourg	4-1, 0-1
1978/1979	Cupvinnarcupen	2. runde	Italia	Inter Milan	0-5, 1-2
1994/1995	Cupvinnarcupen	Kvalifisering	Latvia	Olimpia Riga	6-0, 0-0
1994/1995	Cupvinnarcupen	1. runde	Italia	UC Sampdoria	3-2, 0-2
1996/1997	UEFA-cupen	2. kvalifiseringsrunde	Israel	Beitar Jerusalem	2-1, 5-1
1996/1997	UEFA-cupen	1. runde	Tyrkia	Trabzonspor	1-2, 1-3
1999/2000	UEFA-cupen	Kvalifisering	Liechtenstein	FC Vaduz	1-0, 2-1
1999/2000	UEFA-cupen	1. runde	Tyskland	Werder Bremen	0-5, 1-1
2004/2005	UEFA-cupen	2. kvalifiseringsrunde	Estland	Levadia Tallinn	2-1, 1-2 (8-7 str.konk.)
2004/2005	UEFA-cupen	1. runde	Tyrkia	Besiktas JK	1-1, 0-1

Klubben har fostra mange gode fotballspelarar. Harald «Dutte» Berg er utan tvil den største, og kanskje den beste norske spelaren nokonsinne. Han spelte 390 kampar for Glimt, 200 kampar for Lyn, 43 landskamper og fire sesongar (250 kampar) som profesjonell i [[FC den Haag]] i Nederland.

Spelarar som Arne Hanssen, Terje Mørkved, Jahn Ivar «Mini» Jakobsen, Tom Kåre Staurvik, Ørjan Berg og Runar Berg og mange fleire har òg markert klubben. Alle desse har òg spelt for Rosenborg og har bidratt til å bringe denne klubben til toppen i norsk fotball.

Stig Johansen vart den første spelaren som vart profesjonell i utlandet direkte frå Bodø/Glimt (til Southampton i 1996). Etter han gjekk ungguten Trond Fredrik Ludvigsen til Hertha Berlin i 2001 og Bengt Sæternes til Club Brugge i 2002.

Harald «Dutte» Berg Arne Hanssen Ernst Pedersen Jahn Ivar Jakobsen Ivar Morten Normark Trond Sollied Jan Derek Sørensen Bent Inge Johnsen Tom Kåre Staurvik Rohnny Westad Stig Johansen

Tommy Bergersen Ørjan Berg Runar Berg Arild Berg Bengt Sæternes André Hanssen Trond Fredrik Ludvigsen Harald Martin Brattbakk Cato André Hansen Thiago Martins Trond Olsen Charles Berstad

• Jørgen Juve
• Trond Sollied
• Øystein Gåre

• Harald «Dutte» Berg – 43
• Ørjan Berg – 19
• Runar Berg – 5
• Stig Johansen – 3
• Jon Abrahamsen – 3
• Arild Olsen – 2
• Tom Kåre Staurvik – 2
• Bengt Sæternes – 1
• Trond Olsen – 1

1975-77: Harald Berg 1978-79: Truls Klausen 1980: Ivar Pedersen 1981: Harald Berg og Anders Farstad 1982: Anders Farstad 1983: Arnfinn Helgesen 1984-86: Jan Erik Bjerk 1987: Jahn Ivar Jakobsen 1988: Ola Haldorsen

1989: Tor Arne «Totte» Aga/Bjørn Tore Hansen 1990: Tor Arne «Totte» Aga 1991-98: Ola Haldorsen 1999-00: Andreas Evjen 2001-04: Stig Johansen 2005: Fredrik Kjølner/Erik Hoftun 2006: Cato André Hansen/Stian Theting 2007: Johan Lædre Bjørdal/Stian Theting 2008: Jan Derek Sørensen/Stig Johansen 2009: Jan Derek Sørensen/Christian Berg 2010: Johan Lædre Bjørdal 2011: Christian Berg

Arne Hanssen er den mestscorande Glimtspelaren gjennom tidene, men ein vet ikkje det offisielle talet fordi ein ikkje byrja å halde nøyaktig oversikt før i 1977. Ein trur at Hansen scora til saman over 600 mål for Glimt på 60- og 70-talet. I tillegg var Arne Hansen toppscorar for Rosenborg i 1971 og 1972. I 2007-sesongen scora Thiago Martins 17 mål. Det meste ein Bodø/Glimt-spelar har scora siden Stig Johansen scora 19 i 1995-sesongen, Johansen er med denne prestasjonen den Glimtspelar som har scora flest mål i løpet av ein sesong i toppserien.

1977 Arne Hanssen – 11 1978 Harald Berg – 7 1979 Sturla Solhaug – 7 1980 Arne Hanssen – 3 1981 Sturla Solhaug – 8 1982 Sturla Solhaug – 8 1983 Øystein Benjaminsen – 4 1984 Jahn Ivar Jakobsen – 7 1985 Jahn Ivar Jakobsen – 18 1986 Jahn Ivar Jakobsen – 26 1987 Jahn Ivar Jakobsen – 16 1988 Bjørn Nilsen – 14 1989 Petter Solli – 8 1990 Ivar Morten Normark – 27 1991 Ivar Morten Normark – 15 1992 Ivar Morten Normark – 18 1993 Runar Berg – 11 1994 Tom Kåre Staurvik – 7

1995 Stig Johansen – 19 1996 Stig Johansen – 13 1997 Stig Johansen – 12 1998 Arild Berg – 10 1999 Bengt Sæternes – 16 2000 Bengt Sæternes og Tommy Bergersen – 13 2001 Bengt Sæternes – 11 2002 Bengt Sæternes – 12 2003 Runar Berg – 8 2004 Stig Johansen – 6 2005 Harald Martin Brattbakk – 7 2006 Randall Brenes – 13 2007 Thiago Martins – 17 2008 Trond Olsen – 10 2009 Stig Johansen – 8 2010 Anders Konradsen – 9 2011 Jim Johansen – 13

---

• Mål av Harald Martin Brattbakk etter 33 sekund mot Molde i 2005.
• Mål av Aasmund Bjørkan etter 51 sekund mot Brann i 2003.

• Største heimesiger i (toppdivisjonen): 8–0 mot Lyn i 1993-sesongen.
• Største bortesiger i (toppdivisjonen): 6-0 mot Hamarkameratene i 1995-sesongen.
• Største heimetap i (toppdivisjonen): 0–6 mot Start i 1994-sesongen.
• Største bortetap i (toppdivisjonen): 0-7 mot Viking FK
• Største siger (cup): 11–2 mot Mosjøen i 2002-sesongen.
• Største tap (cup): 0–5 mot Viking FK i 1974- og i 2006-sesongen og 0–5 mot Odd Grenland i 2000-sesongen.
• Dårlegaste cupinnsats: Første runde tap 0–1 mot Grovfjord Idrettslag i 1991. Eneste gang Bodø/Glimt har blitt slått ut i første runde.

• 12 189, Aspmyra stadion, Bodø/Glimt 2-1 Viking FK. Søn 7. september 1975.

Spelt	Vunne	Uavgjort	Tap	Mål	Poeng
428	154	101	173	685–709	415

Bodø/Glimt er på 15. plass på tabellen over laga med flest poeng over alle år i toppserien, den såkalla maratontabellen. Bodø/Glimt kunne derimot først kvalifisere seg til eliteserien i 1972, medan laga sør for Nordland hadde høve frå 1963.

• Bodø/Glimt si offisielle heimeside
• Glimt supporterane si hovudside Arkivert 2021-01-23 ved Wayback Machine.
• Glimt supporterane avdeling Midt-Noreg Arkivert 2011-01-29 ved Wayback Machine.
• Glimt supporterane avdeling Sør/Oslo
• Glimt debattforum Arkivert 2007-07-12 ved Wayback Machine.
• Avisa Nordland sine nyhende om Bodø/Glimt