Galaktiske koordinatar
Galaktiske koordinatar er storleikar som gjev posisjonen til himmellekamar. I problem i samband med Mjølkevegsystemet høver det seg ofte å gje posisjonar ved galaktiske koordinatar.
Galaktisk lengd vert rekna i grader langs galaktisk ekvator. Nullpunktet var tidlegare skjeringa mellom galaktisk ekvator og himmelekvator i Ørna, men er frå 1959 gjeve ved retninga til sentrum i Mjølkevegen. Sett frå den galaktisk nordpolen er retninga motsett rørsla til klokka.
Galaktisk breidd vert målt i grader vinkelrett på galaktisk ekvator og vert rekna positiv mot den galaktiske nordpolen, og negativ mot sørpolen. Den galaktiske nordpolen ligg i Berenikes hår, medan sørpolen ligg i Bilethoggaren. Galaktisk ekvator er storsirkelen midt mellom dei galaktiske polane. Han går kring 1° nord for sentrallinja til Mjølkevegen, noko som viser at sola ligg litt nord for hovudplanet til Mjølkevegsystemet. Galaktisk ekvator heller 62° med himmelekvator, og skjer denne (frå sør mot nord) i stjernebiletet Ørna (rektascensjon 18 timar 44,0 minutter) og (frå nord mot sør) i Orion.
Sjå òg
[endre | endre wikiteksten]Kjelder
[endre | endre wikiteksten]- «Galaktiske koordinater», Store norske leksikon, 14. februar 2009, henta 13. august 2014
- «Galaktiske poler», Store norske leksikon, 14. februar 2009, henta 13. august 2014
- «Galaktisk ekvator», Store norske leksikon, 14. februar 2009, henta 13. august 2014
Bakgrunnsstoff
[endre | endre wikiteksten]- Ekvatorial/galaktisk omrekningsreiskap Arkivert 2009-01-24 ved Wayback Machine..
- Galaktisk koordinatsystem - Wolfram-demonstrasjon
| Morfologi |  | |
|---|---|---|
| Struktur | ||
| Aktive galaksekjernar | ||
| Vekselverknad | ||
| Lister | ||