Alfonso Leng

Alfonso Leng
Statsborgarskap	Chile
Fødd	11. februar 1894 Santiago
Død	11. november 1974 (80 år) Santiago
Yrke	komponist
Språk	spansk

Alfonso Leng Haygus (11. februar 1894–11. november 1974) var ein chilensk postromantisk komponist og tannlækjar. Komponisten Carmela Mackenna var tanta hans.

Alfonso Leng vart fødd i Santiago. Han vart kjend for å komponera det fyrste viktige symfoniske verket i chilensk tradisjon, «La Muerte de Alsino» (1922). Dette er eit symfonisk dikt inspirert av ein roman av den chilenske forfattaren Pedro Prado. Alfonso Leng komponerte i tillegg ei rekkje ulike verk, inkludert mange songar på ulike språk samt ei rekkje viktige verk for piano. Eit døme på det sistnemnde er dei fem «Doloras» (1914), som han seinare orkestrerte og ofte spelte på konsert i Chile og Latin-Amerika.

Alfonso Leng vann den nasjonale kunstprisen i Chile i 1957. Som tannlækjar vart han kjend som hovuddrivkrafta bak tannlækjarfakultetet ved Universidad de Chile, og han vart utvald til å vera den fyrste dekanen ved fakultetet.