नेपिडो

नेपिडो နေပြည်တော် Nay Pyi Taw, Nay Pyi Daw
राजधानी
नेपितव
देश	म्यानमार
विभाजन	नेपिडो सङ्घीय क्षेत्र[१]
उप-विभाजन	८ नगरपालिकाहरू
घोषित	२००५
शामिल	२००८
सरकार [२]
• अध्यक्ष	म्यो आंग
क्षेत्रफल [३]
• जम्मा	७,०५४.३७ किमी२ (२७२३.७१ वर्ग माइल)
उन्नतांश	११५ मिटर (३७७ फिट)
जनसङ्ख्या
• जम्मा	९२४,६०८
• घनत्व	१३१.१/किमी२ (३३९.५/वर्ग माइल)
समय क्षेत्र	युटिसी+०६:३० (म्यानमार)
क्षेत्रीय सङ्केत	०६७

नेपिडो (बर्मी: နေပြည်တော် अङ्ग्रेजी Naypyidaw) म्यानमार (पहिले बर्माको नामले चिनिने)को नयाँ राजधानी हो। नेपिडोको अर्थ राजसी नगर हुन्छ। यसको एउटा अर्को अनुवाद 'राजाहरूको घर' पनि हुन्छ। सन् २००५ नोभेम्बर ६ मा नेपिडोलाई बर्माको प्रशासनिक राजधानी घोषित गरिएको थियो भने यसको नाम सन् २००६ मार्च २७ मा म्यानमारको सशस्त्र बल दिवसको दिन घोषित गरिएको थियो। यो नगर बर्माको पुरानो राजधानी याङ्गोनबाट उत्तरमा लगभग ३०० किलोमिटरको दूरीमा अवस्थित छ। यो याङ्गोन र मान्डालेभन्दा पछि म्यानमारको तेस्रो सबैभन्दा धेरै जनसङ्ख्या भएको सहर हो। सन २००९ मा यस सहरको जनसङ्ख्या लगभग ९,२५,००० थियो।

नेपिडोको शाब्दिक अर्थ बर्मेली भाषा अनुसार 'राजाको निवास' भन्ने हुन्छ र सामान्य रूपमा यसको अनुवाद 'शाही राजधानी' गरिएको छ। परम्परागत रूपमा, यो शाही राजधानीहरूको नामहरूमा प्रत्ययको रूपमा प्रयोग गरिएको थियो, जस्तै मान्लिडाया, जसलाई ရတနာပုံနေပြည်တော် (यदानाबोन नेपिडो) भनिएको थियो।^[४]

नेपिडोको इतिहास संक्षिप्त छ। यसका निर्माण २००२ मा प्यिनमाना नामको स्थान भन्दा से ३ किलोमीटर टाढा जङ्गलले भरिएको ठाँउबाट शुरू भयो । यो सहरको निर्माणका लागि म्यानमारको सैनिक सरकारले २५ भन्दा धेरै निर्माण कम्पनिहरूको सहयोग लिएको थियो । ६ नोभेम्बर २००५ को सैनिक सरकारले सरकारी मन्त्रालयहरूलाई याङ्गोनबाट नेपिडो स्थानान्तरण गर्न शुरू गर्यो । सैनिक मुख्यालयलाई अन्य सरकारी मन्त्रालयहरूबाट अलग्गै परिसरमा बनाइयो, जहाँ आम नागरिकहरूको प्रवेश प्रतिबन्धित छ । व्यापारीहरू लाई पनि सरकारी मन्त्रालय को नजिक पर्ने व्यावसायिक क्षेत्रमा मात्र सीमित रखियो ।

नेपिडो बागो योमा र शान योमा पर्वत श्रृंखलाहरू बीच स्थित छ । सहर ७,०५४.३७ किमी^२ (२,७२३.७१ वर्ग माइल) को क्षेत्रमा फैलिएको छ र आधिकारिक तथ्याङ्क अनुसार ९,२४,६०८ जनसङ्ख्या छ । चाउङ्गमागी बाँध, नेपिडोको उत्तरतिर केही किलोमिटर टाढा रहेको छ । जबकि नगालिक बाँध दक्षिणतिर केही किलोमिटर टाढा छ । येजिन बाँध उत्तर-पूर्वमा अल्लि टाढा छ ।

सार्वजनिक यातायात सेवाहरू आसपासका सहरहरू बीच मात्र सीमित छन् । चार-लेनको, ३२३.२ किमी (२००.८ माइल) बाटोले याङ्गोन-नेपिडो राजमार्गका लिङ्गहरू लाई नेपिडो र याङ्गोनसँग प्रत्यक्ष रूपमा जोड्दछ जुन ५६३ किमी (३५० माइल) - समग्र लामो याङ्गोन-नेपिडो-माण्डाले एक्सप्रेस सडक को भाग हो ।

• 
  नेपिडो संसद, जून २०१२
• 
  बुलेवार्डको आधा
• 
  धेरै गोलो-चक्कर मध्ये एक
• 
  एक बस स्टप
• 
  एक टोल बूथ
• 
  उप्पातासान्ती प्यागोडा, पश्चिमी दृश्य
• 
  उप्पातासान्ती प्यागोडा, पश्चिमी दृश्य
• 
  उप्पातासान्ती प्यागोडा, सूर्यास्तमा
• 
  सरकारी स्वागत-कक्ष
• 
  पेंगुइन शोरूम नेपिडो चिडिया खाना
• 
  चिडियाघरमा ग्रहघर
• 
  पानी छहरा बगैचा भित्र
• 
  मयोमा को रात्री बजार
• 
  ह्लुत्ताव
• 
  बुद्ध गया
• 
  सफारी पार्क
• 
  नेपिडो रेलवे स्टेशन ०१
• नेपिडो रेलवे स्टेशन ०२
  नेपिडो रेलवे स्टेशन ०२

• नेपिडो - एक फोटो एल्बम
• नेपिडो भित्र
• राजाको अवशेष राज्यमा
• बिबिसी शीर्ष गियर शृङ्खला २० प्रकरण ६