Wahlkreis (Belize)
De Wahlkreise för de Wahlen to dat Repräsentantenhuus von Belize warrt von dat Boundaries and Elections Department fastleggt. De söss Distrikte von dat Land sünd in 31 Wahlkreise indeelt. In jeden Wahlkreis warrt een Afornten för dat Repräsentantenhuus wählt. De Wahlperiood is fiev Johr lang.
Dat gifft en Mehrheitswahlrecht, dat heet dat de Kannedaat (Standard Bearer) mit de gröttste Tall Stimmen den Sitt kriggt un de annern Kannedaten jümmer leddig utgaht.
Historie
[ännern | Bornkood ännern]Bet 1963 hett dat in Brietsch-Honduras de Legislativversammlung geven, de denn von de Natschonaalversammlung aflööst worrn is, de ut Repräsentantenhuus un Senaat besteiht. Brietsch-Honduras hett 1973 den ne’en Naam Belize kregen un is 1981 unafhängig worrn.
1945 is dat Land in söss Wahlkreise indeelt worrn: Northern (Distrikte Corozal un Orange Walk), Cayo, Toledo, Stann Creek un Belize (2×).[1]
Düsse Tall is 1954 op negen ännert worrn: Belize Noord, Belize Süüd, Belize West, Belize-Land, Orange Walk, Corozal, Cayo, Stann Creek un Toledo.[1]
In dat Johr 1961 is de Tall denn op 18 verdubbelt worrn:[1]
- Distrikt Belize: Albert, Belize-Land Noord, Belize-Land Süüd, Collet, Fort George, Freetown, Mesopotamia un Pickstock
- Distrikt Cayo: Cayo Noord un Cayo Süüd
- Distrikt Corozal: Corozal Noord un Corozal Süüd
- Distrikt Orange Walk: Orange Walk Noord un Orange Walk Süüd
- Distrikt Stann Creek: Stann Creek Stadt un Stann Creek Land
- Distrikt Toledo: Toledo Noord un Toledo Süüd
Mit dat Johr 1984 keem denn de nächste grote Sprung op 28 Wahlkreise:[1]
- Distrikt Belize: Albert, Belize-Land Noord, Belize-Land Süüd, Karibische Küst, Collet, Fort George, Freetown, Lake Independence, Mesopotamia, Pickstock, Port Loyola un Queen’s Square
- Distrikt Cayo: Cayo Zentraal, Cayo Noord, Cayo Süüd un Cayo West
- Distrikt Corozal: Corozal Bay, Corozal Noord, Corozal Süüdoost un Corozal Süüdwest
- Distrikt Orange Walk: Orange Walk Zentraal, Orange Walk Oost, Orange Walk Noord un Orange Walk Süüd
- Distrikt Stann Creek: Dangriga un Stann Creek West
- Distrikt Toledo: Toledo Oost un Toledo West
1993 is de Tall von 28 op 29 ännert worrn as de Wahlkreis Belize-Land Zentraal nee inricht worrn is.[1] De Grenzen von de Wahlkreise Port Loyola un Collet sünd 1993 ok licht anpasst worrn.[1] 1997 sünd de Grenzen von Cayo Zentraal un Cayo Süüd anpasst worrn un 1998 de Grenzen von de Wahlkreise Karibische Küst, Freetown, Fort George, Pickstock, Belize Land Süüd, Belize Land Zentraal, Corozal Noord, Corozal Bay, Corozal Süüd West, Orange Walk Noord, Orange Walk Oost un Orange Walk Zentraal.[1]
2002 sünd de Grenzen von de Wahlkreise Stann Creek West un Toledo East anpasst worrn.[1]
2005 sünd de Wahlkreise Belmopan un Cayo Noord Oost nee inricht worrn. Dormit leeg de Tall von Wahlkreise bi 31.