Lisa Peters

Lisa Peters, boren Prigge (* 17. Dezember 1933 in Pippens; † 9. Mai 2010 in Buxthu) weer en düütsche Politikerin von de FDP.

Peters is 1933 in Pippens boren un harr en Meester för Huusweertschop. Se hett in de Bueree arbeidt op’n Hoff von de Familie. Mehr as 25 Johr lang weer se Vörsittersche von de Meisterinnenarbeitsgemeinschaft in’n Landkreis Horborg, twölf Johr lang in’n Kreisvörstand von de Landfroon un lange Johren im Landfroonutschuss bi de Landweertschopskamer. Bet 1991 weer se Richterin in’t Ehrenamt an dat Oberverwaltungsgericht Lümborg.

In’n August 1972 is Peters in de FDP ringahn. Se weer Oortsvörsitter von’n Oortsverband Buxthu. 1972 is se Raadsfro in’n Stadtraad von Buxthu worrn un hett dor bet to ehren Dood tohöört. Se weer dor denn ok Vörsitter von de FDP-Frakschoon. Von 1978 bet 1991 weer se eerste Viez-Börgermeesterin von de Stadt Buxthu un von 1981 af an bet to ehren Dood 2010 in’n Kreisdag von Landkreis Stood. Ok dor weer se Viez-Vörsitter von de Frakschoon. Von 1990 bet 1998 weer se in’n Düütschen Bundsdag un weer Viez-Sprekerin för Verkehrspolitik in de FDP-Frakschoon.

• Rudolf Vierhaus un Ludolf Herbst: Biographisches Handbuch der Mitglieder des Deutschen Bundestages 1949–2002. Band 2, L–Z, Saur, München 2002, ISBN 3-598-23782-0, S. 637