Landkreis Wersermünn

Wapen	Koort
Grunddaten
Bestandstietruum:	1932–1977
Regeerensbezirk:	Stood
Kreisstadt:	Wersermünn/Bremerhoben
Flach:	1.169,42 km²
Inwahners:	78.292 (1970)
Inwahnerdicht:	67 (1970)
Updeelen:	79 Gemenen (1970)
Auto-Kennteken:	WEM

De Kreis Wersermünn weer von 1932 bet 1977 en Landkreis in de prüüßsche Provinz Hannover un later in Neddersassen mit Seet in de Stadt Wersermünn/Bremerhoben (de sülvs buten den Landkreis leeg).

In’n Noorden dee de Kreis an de Stadt Cuxhoben grenzen un in’n Noordoosten an’n Landkreis Land Hadeln. In’n Oosten weer de Landkreis Bremervöör un in’n Süden de Landkreis Oosterholt. In’n Westen leeg de Kreis an de Werser un op dat annere Över von de Werser weer bet 1933 toeerst noch dat Amt Braak in dat Land Ollnborg. 1933 is dat Amt Braak denn Deel von’n Landkreis Wersermasch worrn, de bet 1977 de Naver in’n Westen bleven is. Mit dat Landwöörden dee de Landkreis Wersermasch ok mit en Stück op dat rechte Över von de Werser recken. In’n Westen von’n Landkreis Wersermünn weer ok noch de Stadt Wersermünn, de kreisfre’e Stadt weer. Wersermünn is 1947 denn mit Bremerhoben tohoopslaten worrn un Deel von dat Land Bremen worrn. Dormit leeg de Verwaltung von’n Landkreis Wersermünn denn in en anner Bundsland as de Kreis sülvs.

De Landkreis Wersermünn is an’n 1. Oktober 1932 ut den Kreis Geestmünn un den Kreis Leh billt worrn.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Wersermünn op Landkreis Wersermünn ännert.

1974 hett de Landkreis von’n Landkreis Wersermasch de Gemeen Landwöörden tokregen.

Bi de Kreisreform to’n 1. August 1977 is de Landkreis denn mit den Landkreis Land Hadeln un de Stadt Cuxhoben to’n ne’en Landkreis Cuxhoben tohoopfaat worrn.

Dat Wapen wiest op gollen Grund över en Schildfoot, de baven rood un ünnen dör en Wellenlien deelt sülvern is, en grönen Ekenboom mit fiev Eckern.

• 1932–1935: Walter zur Nieden
• 1936–1945: Theodor Mahler
• 1945–1946: Ludwig Arps
• 1946: Rudolf Bohm
• 1946–1952: Theodor Allmers
• 1952–1972: Martin Döscher
• 1972–1977: Hinrich Schniedewind

• 1946–1951: Ludwig Arps
• 1951–1969: Ernst Klemeyer
• 1969–1977: Jürgen Prieß

De Gemenen von’n Landkreis Wersermünn (Stand 1939):

* 1926 Deel von de Gemeen Frellsdorp worrn, harr 1925 50 Inwahners