Ludwig Rödl

Ludwig Rödl (* 30. April 1907 in Nürnbarg; † 23. März 1970 in Nürnbarg) weer en düütsch Schachmeester.

Rödl, Afkaat vun Berop, harr sien spoodriekste Tiet as Schachspeler in den 1930er Johren. Nah den DSB-Kongress 1929 in Duisburg^[1], as he sück in dat B-Turnier den eersten Platz deelen dee^[2], wunn he 1930 den Steekkamp un den Meestertitel gegen Ludwig Engels mit 5,5 zu 2,5 Punkten in Nürnbarg un Düsseldörp. 1931 belegg he gemeensam mit Efim Bogoljubow in dat Turnier um de Düütsch Meesterschap in Swienemünn den eersten Platz vör Kurt Richter, Carl Ahues, Karl Helling, Ludwig Rellstab un annern.^[3] In den ansluutenden Steekkamp weer he aber Bogoljubow in Nürnbarg mit 2-4 (+0 =4 −2) ünnerlegen. In dat Turnier vun Swienemünn 1932 wurr he Tweet achter Gösta Stoltz aber vör Jacques Mieses, un ebenfalls Tweet in Bad Pyrmont 1933 achter Bogoljubow aber vör Georg Kieninger un Carl Carls^[4] un Dart in Aken 1934^[5]. 1936 nehm he in München an de inoffiziellen Schacholympiade deel. He reck mit de düütsch Mannschap den darten Platz un sülvst dat beste Ergevnis an dat 7. Brett.^[6] 1936 reck he in Bad Elster noch mal en deelten darten Platz.

1947 hett he in Riedenburg^[7] vör Wolfgang Unzicker un Walter Niephaus wunnen un keem in Lümborg up Platz 2 achter Bogoljubow vör Ludwig Rellstab un Herbert Heinicke. Wiedere Erfolge weern Platz twee bi de Düütsch Meesterschapen in Weidenau achter Kieninger un vör Gottlieb Machate un Rellstab^[8] as ok en deelt Platz 3 in Bad Nauheim 1948^[9]. 1953 kreeg he vun den Weltschachbund FIDE den Titel Internatschonaler Meester.^[10]

Rödl weer en besünner Kenner vun de Endspelen, över de he ok wertvull Literatur schreev. De Schachklub Noris-Tarrasch 1873 hett hüm to’n Ehrenliddmaat nöömt. 1970 is he nah en lang langen Gallen- un Leverlieden storven. Rödl sien hööchste historsch Elo-Tall vun 2616 hett he 1947 reckt.

• Ludwig Rödl: Endspiele: ein Leitfaden für die Praxis. C. Ronniger, Leipzig 1936, OCLC 6600085.

1. ↑ Deutsche Einzelmeisterschaft 1929 in Duisburg up TeleSchach (Tabell un Partien)
2. ↑ Wiener Schach-Zeitung 1929, Nr. 23/24, S. 368 (Tabellen vun de Hööftturniere A un B)
3. ↑ Deutsche Einzelmeisterschaft 1931 in Swinemünde up TeleSchach (Tabell un Partien)
4. ↑ Deutsche Schacheinzelmeisterschaft 1933 in Bad Pyrmont Krüüztabell un sämtliche Partien up TeleSchach
5. ↑ Deutsche Schacheinzelmeisterschaft 1934 in Aachen up TeleSchach (Krüüztabell un Partien)
6. ↑ Ergevnisse vun Ludwig Rödl bi inoffiziellen Schacholympiaden up olimpbase.org (engelsch)
7. ↑ Riedenburg 1947
8. ↑ Deutsche Schachmeisterschaft 1947 in Weidenau/Sieg Krüüztabell und sämtliche Partien up TeleSchach
9. ↑ Schachturnier 1948 in Bad Nauheim Krüüztabell un sämtliche Partien up TeleSchach
10. ↑ Willy Iclicki: FIDE Golden book 1924-2002. Euroadria, Slovenia, 2002, S. 88

• Kompositschonen vun Ludwig Rödl up den PDB-Server