Kevin Ullyett
Kevin Robert Ullyett (* 23. Mai 1972 in Salisbury, Rhodesien) is en ehmalger Tennisspeler ut Simbabwe.
Karriere
[ännern | Bornkood ännern]De Düppelspezialist kunn in sien Loopbahn 33 Turniersiege in’t Herrendüppel haalen un keem wiedere 23 Mal in’t Endspeel. Sien gröttsten Erfolge weern de Gewinn van de Düppelkonkurrenzen bi de US Open 2001 un de Australian Open 2005, jewiels mit sien Landsmann un langjohrigen Düppelpartner Wayne Black. Sien best Platzeeren in de Tennis-Weltranglist reck in’t Eenzel in dat Johr 2000 mit Rang 107 un in’t Düppel 2005 mit Rang 4.
Ok bi de Mixed-Konkurrenzen van de Grand-Slam-Turniere kann Ullyett Erfolge vorwiesen. So wunn he 2002 an de Siet van Daniela Hantuchová de Australian Open. 2002 reck he gemeensam mit Hantuchová dat Endspeel in Wimbledon (dat se in 3 Satzen gegen Jelena Lichowzewa un Mahesh Bhupathi verloren hemm) un 2005 mit Liezel Huber dat Endspeel bi de Australien Open. Dor weern se Samantha Stosur un Scott Draper ünnerleegen.
In de Johren 2000 un 2004 hett he an Olympisch Sömmerspelen deelnommen.
