Joe Segal
Joe Segal (* 24. April 1926 in Philadelphia; † 10. August 2020 in Chicago) weer en US-amerikaansch Jazz-Veranstalter. He is Grünner un Besitter vun den The Jazz Showcase in Chicago un organiseer siet 1947 Jazzveranstaltungen.
Segal is in Philadelphia upwussen un hett dor sien eerste Jazzkonzerte (Bigbands) höört. Dat hett sück in' Tweeten Weltkrieg fortsett, as he as Suldat bi de Luftwappen in Champaign (Illinois) dicht bi Chicago statschoneert weer. Nah den Krieg studeer he mit en GI Bill an de Roosevelt University in Chicago un präsenteer dor Jazzmusiker live in den Universitäts-Jazzclub, de he 1947 bitreeden dee. Dor sünd neben lokalen Musikern ok dörreisend Bigband-Musiker un to'n Bispeel Sonny Rollins, Charlie Parker un Lester Young uptreeden. As dat Programm an de Roosevelt University 1957 to Enn' weer präsenteer Segal Jazzmusiker an anner Öörd (insgesamt etwa 63 nah Segal sien eegen Inschätzung). Sien eerst offiziellen Jazz-Showcase harr he Anfang vun de 1970er Johren in de Rush Street, hüüd is he in de Dearborn Station. Typischerwies wurrn Musiker för fiev Abende in de Week anhüert un denn geev dat noch en Sönndags-Matinee för Kinner.
Segal is en vun de Grünner vun dat Jazz Institute of Chicago.
2015 kreeg he de NEA Jazz Masters Fellowship, de hööchste amerikaansch Utteknung in den Beriek vun den Jazz. 2013 wurr he Ehrendokter vun de Roosevelt University.