Jörg Mielke
Jörg Mielke (* 15. Juni 1959 in Hagen) is en düütschen Politiker.
Mielke is 1959 in Hagen in Westfalen boren un hett 1979 sien Abitur maakt. Von 1979 bet 1984 hett he denn an de Universität Göttingen Juristeree studeert un weer dor bet 1987 wetenschoplichen Assistent. 1987 bet 1990 hett he in Bremen sien Referendariat un dat twete Staatsexamen maakt. Sien Dokterarbeid hett he 1989 in Göttingen maakt. Von 1991 bet 1995 weer Mielke Baas von dat Rechtsamt bi’n Landkreis Oosterholt un is denn Dezernent för Boon, Ümwelt, Kultur un Tourismus worrn.
Bi de Wahl an’n 26. September 2004 is Mielke as parteilosen Kannedaat för de SPD mit 62,26 % de eerste hauptamtliche Landraad von’n Landkreis Oosterholt na dat Enn von de Dubbelspitz worrn. Dat Amt hett he denn offiziell an’n 1. Januar 2005 övernahmen. Bi de Wahl an’n 11. September 2011 (as parteilosen Kannedaat, de nu von SPD un CDU ünnerstütt worrn is) is he mit 85,63 % wedderwählt worrn. De Amtsperiood schull regulär bet to’n 31. Oktober 2019 lopen. An’n 19. Februar 2013 is he aver Baas von de Neddersassische Staatskanzlie worrn un hett sien Amt as Landraad afgeven.
Weblenken
[ännern | Bornkood ännern]
- Mielke op de Websteed von’n Landkreis Oosterholt (hoochdüütsch)