Hannober

Wapen/Flagg	Koort
Basisdaten
Bundsland: Neddersassen Landkreis: Region Hannober
Flach:	204,14 km²
Inwahners:	532.864 (2016-12-3131. Dezember 2016)
Inwahnerdicht:	2.610,3 Inwahners pro km²
Postleettall:	30001-30669
Vörwahl:	0511
Geograafsche Laag:	Koordinaten:52° 22′ N, 9° 44′ O52° 22′ N, 9° 44′ O
Grenzen bi OSM:	59418
Gemeenslötel:	03 2 40 001
Öörd in de Gemeen:	13 Stadtbezirke, 51 Stadtdelen
Börgermeester:	Belit Onay
Websteed:	www.hannover.de

Hannober (hoochdüütsch Hannover) is de Landshööfdstadt vun Neddersassen, an de Leine un an’n Maschsee, mit bi 532.000 Inwahners. Hannober is Seet vun’n Landkreis Region Hannober.

Hannober is mehrfach Hoochschooloort: Hier sünd blangen de Universität Hannober de Medizinsche Hoochschool Hannober, de Musikhoochschool Hannober, de Veehdokter-Hoochschool Hannober un de Hoochschool Hannober.

In Hannober warrt elk Johr dat gröttste Schüttenfest op de Eer fiert.

Hannober is de Seet vun de Evangeelsche Kark in Düütschland. Dat is nich all, wiels hier ok Nichchristen stark vörhannen sünd: Vör den Krieg weer Hannober ene vun de twee groten düütschen Städer mit över twee Perzent freereljöse Lüüd in Düütschland, de anner weer Meideborg. Vundaag sünd vele Lutheraner in disse Stadt mit Russ’sch as Moderspraak.

Vundaag hett Hannober Leipzig as Partnerstadt. Hannober hett een vun de gröttsten Messen op de Eer. Dat Messegelände is dat gröttste op de Eer. Hannober is de Stadt, wo de vörmalsche Bundskanzler Gerhard Schröder leevt. Hannober, siet mehr as 100 Johr ene bannig starke SPD-Stadt, hett in sien Historie keen CDU-Böverbörgermeester hatt.

Beröhmte Lüüd ut de Stadt weern to’n Bispeel de Philosoph Gottfried Wilhelm Leibniz, de Schauspeler August Wilhelm Iffland un de Schriever Frank Wedekind, de Astronomen Wilhelm un Caroline Herschel, de dadaistisch Maler Kurt Schwitters, Benno Ohnesorg un de SPD-Politiker Egon Franke.

De Vorwärts, dat Zentralorgan vun de SPD, wörr hier na den Tweten Weltkrieg grünnt. Hannober is ok en Deel vun Neddersassen, de Deel, wat inst dat Königriek Hannober weer. Dat Königshuus Hannober weer denn ok in England an de Macht.

Börgermeester is Belit Onay vun de De Grönen. Regeren deit ene Koalitschoon ut SPD, Bündnis 90/De Grönen un FDP.

De Stadtraat hett alltohoop 65 Sitten.

SPD: 24 Sitten

CDU: 16 Sitten

Bündnis 90/De Grönen: 14 Sitten

De Linke: 3 Sitten

PIRATEN: 2 Sitten

Die Hannoveraner: 2 Sitten

FDP: 2 Sitten

Wir für Hannover: 1 Sitt

(Stand: 2014)

Hannober is indeelt in dörteihn Stadtbezirke un 51 Stadtdelen.

1. Mitte (01: Mitte, 02: Calenberger Neustadt, 08: Zoo, 09: Oststadt)
2. Fahrnwoole-List (10: List, 11: Fahrnwoole)
3. Boutfelle-Vahrenheide (12: Vahrenheide, 21: Sahlkamp, 22: Boutfelle, 24: Lahe, 48: Isernhogen-Süüd)
4. Baukholte-Kleefeld (25: Groten-Baukholte, 26: Kleefeld, 27: Heideviertel)
5. Misburg-Anderten (50: Misburg-Nord, 51: Misburg-Süd, 52: Anderten)
6. Kerkreoe-Beimeroe-Wülferoe (28: Kerkreoe, 47: Beimeroe/Kronsberg, 53: Wülferoe)
7. Südstadt-Bult (04: Südstadt, 07: Bult)
8. Döhren-Wülfel (05: Waldhausen, 06: Waldheim, 29: Döhren, 30: Seelhorst, 31: Wülfel, 32: Mittelfeld)
9. Ricklingen (39: Bornum, 40: Ricklingen, 41: Oberricklingen, 42: Mühlenberg, 43: Wettbergen)
10. Linden-Limmer (33: Linden-Nord, 34: Linden-Mitte, 35: Linden-Süd, 36: Limmer)
11. Ahlem-Badenstedt-Davenstedt (37: Davenstedt, 38: Bahnstäe, 44: Ahlem)
12. Herrnhusen-Stöcken (14: Herrnhusen, 15: Burg, 16: Leinhusen, 17: Ledeburg, 18: Stöcken, 19: Marienwerder, 20: Nordhafen)
13. Nord (03: Nordstadt, 13: Hainholz, 45: Vinnhost, 49: Brink-Hafen)

In Hannober snackt de Minschen ok Plattdüütsch. Hier en lütjet Bispeel, wat in dat Book "Twischen Bronswiek un Hannower" vum Ostfaliaverlag to finnen is:

"Wenn Heinrich mit den Keihen heruttog, denn ging Hedwig me, aber sei ging naher hin un freue sek, wenn sei den Jungen Freuhstücke oder Vesper herut bringen dröffte. De meiste Tied gaff de Pastor Heinrich me up den Weg: Heinrich, passe meck awer up, dat dei Wildfang - hei meine Hedwig- nich in de Beeke fällt!" Hei sä dat man jümmer ut Spaß, wenn Hedwig dat heure, hei wuste ganz gut, dat hei seck up heinrich verlaten könne, wenn hei den einmal wat eseggt harre." (Dat is ut Christian Flemes sien Vertellen "Wo Hedwig Oberwald Plattdütsch lehre")

In Hannover gifft dat verschillene Sportvereene, to'n Bespill:

• De VfL Hannover is de öllste Sportvereen vun Hannover un hett eene Afdelung Rullstohldanz. Darbi danzen entweder een Rollifohrer tosamen mit eenem Footgänger (Kombi) odder twee Rullstohlfohrer miteenanner (Duo) de Standardtänze- den Walzer, de Wiener Walzer, de Tango, de Foxtrott sowie de Quickstep un Lateinamerikanische Tänze- Samba, Cha-Cha-Cha, Rumba, Paso Doble un de Jive. De Danzpoore vun'n VfL Hannover sin up internatschonalen und natschonalen Parkett spoodriek.^[1]
• Square Dance mit Rullstohl danzt man bi de Dancing Wheels Hannover^[2]
• Hannover 96 (Footballvereen)
• Arminia Hannover (Footballvereen)

In'n November 2010 weer'n in Hannober de 7. Weltmeesterschapen in'n Rullstohldanz, wo 150 Dänzer mitmaakt hebben.^[3]

• Websteed vun de Stadt (hoochdüütsch)

1. ↑ VfL Hannover Afdeelung Rullstohldanz, afropen an’n 5.Dezember 2011
2. ↑ dancingwheels afropen an’n 8. Dezember 2011
3. ↑ 150 Dänzer bi de Rullstohldanz-WM in Hannober inne Hannobersche Allgemeene Zeitung, afropen an’n 25. November 2011

Städer un Gemenen in de Region Hannober

Baschehusen | Bortörp | Boorwee | Garbsen | Gieren | Hannober | Hemmje | Isernhagen | Laatzen | Langenhogen | Lehrte | Niestadt | Pattjehiusen | Ronnenbarg | Seelze | Seinje | Springe | Uetze | Wiemark | Wenngessen | Wunsdörp