Hannover
|
Hannover
| |||||
|---|---|---|---|---|---|
 | |||||
| |||||
| |||||
| Geografia fisica | |||||
| Coordenadas | 52° 22′ 28″ N, 9° 44′ 19″ E | ||||
| Superfícia | 204,01 km² | ||||
| Geografia politica | |||||
 | |||||
| País |  Alemanha | ||||
| Land | Bassa Saxònia | ||||
| Geografia umana | |||||
| Populacion (2020) |
534 049 ab. | ||||
| Autras informacions | |||||
| Còde postal | 30159–30659 | ||||
| Prefix telefonic | 511 | ||||
| https://www.hannover.de/ | |||||
Hannover es una vila del nòrd d’Alemanha, capitala del Land de Bassa Saxònia e situada a la broa de la ribièra Leine. Amb sos 516 000 abitants, es la pus granda vila del Land e la tresena pus granda vila del nòrd d’Alemanha après Amborg e Brèma. La vila fa partit de la region metropolitana de Hannover-Brunswick-Göttingen-Wolfsbourg, la ochena d’Alemanha. Es tanben lo sètge de la region de Hannover, un regropament de 21 comunas.
Abans de venir la capitala de la Bassa Saxònia en 1946, Hannover foguèt la capitala del Principat de Calenberg (1636-1692), de l'electorat de Hannover (1692-1814), del reialme de Hannover (1814-1866), de la província de Hannover del reialme de Prússa (1868-1918), de la província de Hannover de l'Estat liure de Prússa (1918-1946) e de l'Estat de Hannover (1946). De 1714 a 1837, Hannover èra lo sètge de l'ostal dels reis anovrians del Reialme Unit de Grand Bretanha e d'Irlanda, jos son títol de ducs de Brunswick-Lüneburg (pus tard descrit coma l'elector de Hannover).
La vila es un punt de passatge major de las linhas ferroviàrias e de las autorotas (Autobahnen), religant las linhas europèa principalas dins las direccions èst-oèst (Berlin-Ruhr/Düsseldorf/Colonha) e nòrd-sud (Amborg-Francfòrt/Stuttgart/Munic) . L'aeropòrt de Hannover se tròba al nòrd de la vila, a Langenhagen, e es lo noven aeropòrt pus frequentat d'Alemanha. Los instituts d'ensenhament superior pus remarcables de la vila son la facultat de medecina de Hannover (Medizinische Hochschule Hannover), una de las principalas escòlas de medecina d'Alemanha, amb son espital universitari Klinikum der Medizinischen Hochschule Hannover'', e l'universitat Leibniz de Hannover. La vila abriga tanben l'Institut internacional de las neurosciéncias.
Lo parc de las exposicions de Hannover, gràcia a de nombrosas extensions, especialament per l'Expo 2000, es lo pus grand del monde. Hanovre aculhís de fièiras comercialas annadièras talas que la Fièira de Haneovre e fins en 2018 lo CeBIT. Lo salon IAA Veïculs Utilitaris a luòc cada dos ans. Es lo salon leader mondial del transpòrt, de la logistica e de la mobilitat. Cada an, Hannover aculhís lo Schützenfest Hannover, lo pus grand festenal de tiraires d'elita al monde, e l'Oktoberfest Hannover.
