Griffon Nivernais
| Griffon Nivernais | |
|---|---|
| |
| FCI - Standard Nr.17 | |
| Patronat | Frankriek |
| Klassifikatschoon FCI |
|
| Rassenaam na FCI |
Griffon Nivernais |
| Anner Naams | Grand Griffon Nivernais, Chien de Pays |
| Schufthööcht | Rüde 55-62cm, Teev 53-60cm |
| Gewicht | Kien Angaav |
| List vun de Hunnenrassen | |
De Griffon Nivernais is en vun de FCI anerkannt franzöössche Hunnenrass (FCI-Gruppe 6, Sektion 1.1, Standard Nr. 17).
Herkunft un Historie
[ännern | Bornkood ännern]Vörbild bi de Rekonstruktschonstüchtung vun de Griffon Nivernais weern woll de gewaltig Wulfsjäger, de berühmt „Grau Hunnen“ vun Ludwig den Hilligen (1214 bit 1270), de mit de Krüüzfohrer ut de Balkan keemen, dat weern de Canes Segusii (Keltenbracken) nahstahn Hunnen, in de ok araabsch Windhundblood strömen de. De eegentlichen Griffon Nivernais entstunnen nah de Franzöösch Revolution dör dat Inkrüüzen vun de Grand Griffon Vendéen in anner vörhannen Loophundrassen. Ok hör Zweck weer de Wulfsjagd, later henn ok de Jagd up Schalenwild. 1925 slooten sück eenig Jäger zusammen, um de Griffon Nivernais vör dat Utstarven to retten. So entstunnen twee verscheeden Grötten, vun de aber de lüttgere bald weer verschwunn.
Beschrieven
[ännern | Bornkood ännern]De modern Griffon Nivernais hett en Wedderristhööcht vun bit to 55 bit 60 cm, dat sünd ruch weg 20 cm weniger as sien Vörbild. Sien Hoor is lang, struppig, dörnanner, temelk kräftig in dunkel, immer wulkt, dat heet, dat de Fellspitzen immer dunkler as de Fellansatz sünd (rußig). De Ohren hangen, sünd week, eher dünn, vun en mittlere Breedt mit temelk völ Hoor.
Verwennen
[ännern | Bornkood ännern]De Griffon Nivernais is en af un an överieverg Jagdhund, de aber ruhig un konzentreert arbeit. In Frankriek is ehe as Wildswienjäger bannig schätzt. He kann sowohl in de Meute as ok alleen jagen.
