Eberhard Piltz

Eberhard Piltz (* 22. Oktober 1942 in Königsbarg; † 20. November 2011^[1] in München) weer en düütsch Journalist un van 1999 bis 2007 Baas vun dat ZDF-Studio in Washington, D.C.

Piltz studeer Geschichte, Politik un Zeitungswetenschapen in München. Van 1965 bit 1970 weer Eberhard Piltz Redakteur bi Bayerischen Rundfunk. In de Johren 1970 bit 1974 weer he Redakteur un stellvertreten Redaktschoonsleiter vun dat BR-Magazin Report München un wurr ansluutend bit 1982 Leiter vun dat ARD-Studio Tel Aviv. Bit 1985 weer he denn Baas vun dat ARD-Studio in Rom un van 1985 bit 1989 stellvertreten Leiter vun dat ARD-Studio Bonn un Moderater vun de Reeg Bericht aus Bonn.

Siet 1989 weer Eberhard Piltz bi dat ZDF, bit 1993 weer he Leiter vun dat ZDF-Studio in Paris un togliek 1992 bit 1993 Chefreporter vun dat ZDF. As Baas vun de ZDF-Hööftredakschoon Aktuelles un Moderator vun dat heute-journal weer Piltz van 1993 bit 1997 tätig. Van 1997 bit 1999 weer he weer Leiter vun dat ZDF-Studio in Rom un van 1999 bit to de Inträe in de Ruhestand in Oktober 2007 weer he Leiter vun dat ZDF-Studio in Washington.

Siet 2007 weer Piltz Perfesser an de Hoochschool för Feernsehn un Film München un hett dor den Beriek Feernsehjournalismus leit.

Eberhard Piltz is an’ 20. November 2011 nah en kört swoor Krankheit in München storven.^[2]

• Eberhard Piltz in de Internet Movie Database (engelsch)

1. ↑ ZDF-Journalist Eberhard Piltz gestorben heute.de van’ 20. November 2011, afoopen an’ 20. November 2011
2. ↑ „Heute Journal“-Moderator Eberhard Piltz ist tot FAZ.NET van’ 20. November 2011, afroopen an’ 20. November 2011