Doug Liman

Doug Liman (* 24. Juli 1965 in New York City) is en US-amerikaanschen Speelbaas un Filmproduzent.

Leven un Wark

Liman is de Söhn vun Arthur L. Liman, een vun de Anklagers in de Iran-Contra-Affär. Von dorher hett he sik fröh al för politische Intrigen un Verswörungstheorien intresseert. Dör en Fründ vun sien Vadder fünn he Freid an Filmkameras un füng an sülvst Kortfilmen to maken. 1988 hett he sien Afsluss an de Brown University maakt un besöch in’n Ansluss doran de USC School of Cinema-Television. As he dormit afslaten harr, fünn he Arbeit as Speelbaas in Hollywood. Sien Film Swingers vun 1996 is en unvermodten Hit worrn. Groten Spood harr he vör allen mit den hoochloovten Agenthriller The Bourne Identity vun 2002 mit Matt Damon un Franka Potente in de Hööftrullen.

An de wieteren Deelen vun de Bourne Reeg hett he as Produzent mitarbeit. Butendem hett he eenige Folgen de spoodrieke Feernsehreeg O.C. California produzeert. He hett ok noch wietere Actionfilmen dreiht. 2010 hett he sik in den Film Fair Game mit de Plame-Affär befaat. För dissen Film hett he en Inladung to de Filmfestival vun Cannes kregen.

Liman leevt vundaag in TriBeCa, Manhattan.

Filmografie (Utwahl)

Johr	Titel	Funkschoon
1994	Getting In dt.: Kamikaze College	Speelbaas
1996	Swingers	Speelbaas
1999	Go	Speelbaas
2001	See Jane Run	Produzent
2002	Indie Is Great	Speelbaas Produzent
2002	The Bourne Identity dt.: Die Bourne Identität	Speelbaas Produzent
2003-04	O.C. California, Feernsehreeg	Produzent Speelbaas
2004	Mail Order Wife	Produzent
2004	The Bourne Supremacy dt.: Die Bourne Verschwörung	Produzent
2005	Mr. & Mrs. Smith	Speelbaas
2005	Cry Wolf	Produzent
2007	The Killing Floor dt.: Kein Entkommen	Produzent
2007	The Bourne Ultimatum dt.: Das Bourne Ultimatum	Produzent
2008	Jumper	Speelbaas
2008-09	Knight Rider, Feernsehreeg	Produzent
2010	Fair Game dt.: Fair Game – Nichts ist gefährlicher als die Wahrheit	Speelbaas Produzent Kamera
2010	Dao Jian Xiao	Produzent
2014	After the Fall	Produzent
2014	Edge of Tomorrow dt.: Edge of Tomorrow - Live. Die. Repeat	Speelbaas Produzent
2015	Left on Purpose, Dokumentarfilm	Produzent
2016	Jason Bourne	Produzent
2017	The Wall	Speelbaas
2011-19	Suits, Feernsehreeg	Produzent

Utteken

Liman weer bit hüüt (Februar 2011) fiefmol för grote Filmpriesen vöslahn, vun de he twee wunnen hett:

1997: den MTV Movie Award in de Kategorie Best nee Filmmaker för Swingers
1997: den FFCC Award in de Kategorie Newcomer vun’t Johr för Swingers

Weblenken

Doug Liman in de Internet Movie Database (engelsch)