Denbigh Jeffery
Denbigh Reginald Jeffery (†) weer en Politiker ut Brietsch-Honduras (PUP, CDP).
Bi de Parlamentswahl in Brietsch-Honduras 1957 weer he Kannedaat för de PUP in’n Wahlkreis Belize Süüd un hett de Wahl mit 38,7 % von de Stimmen gegen Herbert Fuller von de NP un Philip Goldson von de HIP wunnen. Na de Wahl is he as Member for Public Utilities (Vörlöper von dat Amt as Minister för Apentliche Versorgung) beropen worrn.
Jeffery weer Maat von en Delegatschoon ut Brietsch-Honduras, de in’n Oktober/November 1957 anföhrt von George Price för Gespreken mit dat Colonial Office London besöcht hett.[1] Dorbi hett de Delegatschoon ok Gespreken mit Jorge García Granados föhrt, de för Guatemala anbaden hett, dat Brietsch-Honduras sik dat Land ansluten schall.[1] Dat is Price un Jeffery as Verraad utleggt worrn.[1] Jeffery is ut siene Partei utslaten worrn.[1] He is denn as Afornten to de Christian Democratic Party (CDP) wesselt un hett in’n Oktober 1960 Nicholas Pollard as Parteibaas von de CDP aflööst.
Bi de Wahl 1961 is he för de CDP in’n Wahlkreis Fort George antreden un hett dor 10,8 % von de Stimmen haalt. He keem op’n drüdden Platz achter Alexander Hunter von de PUP un Herbert Fuller von de NIP.
Dormit weer he von 1957 bet 1961 Afornten von de Legislativversammlung von Brietsch-Honduras.
Na de verloren Wahlen 1961 hett sik de CDP wedder oplööst un de Maten sünd to’n gröttsten Deel to de NIP gahn.
