Möhl
Een Möhl (pl. Möhlen) is een grötere Anloog oder Reedschop to’n Lüttmaken vun alle Oorten vun Köörn. Boben schütt de Möller dat Koorn in de Moschin rin un denn löppt dat twüschen de Möhlsteen hindörch un ward door verreven. Wat ünnen rut kummt, ward mehrmols dörchsiecht. De groffen Mahlresten heit't Schrot un ward an de Swien verfodert, de fiene Kram is ünnerscheidlik Mähl un dat kricht de Bäcker to’n Brootbacken. Fröher wöörn de Möhlen mit Wind- oder Waterkraft andreben, vundaag loopt se all mit elektrischen Stroom.
Vun öllers her ward de Begreep Möhl ok för annere grote Anlogen wie Saagmöhl, Steenmöhl usw. bruukt, wiel düsse Anlogen op de glieke Wies mit Wind- oder Waterkraft andreben wöörn.
