Walter Scherau
Walter Scherau (börgerlich Naam: Walter Voscherau; * 10. Januar 1903; † 12. Mai 1962 in Hamborg) weer en düütsch Volksschauspeler, de besünners dör sien Rullen in’t Hamburger Ohnsorg-Theater bekannt wurrn is; tietwielig weer he ok Geschäftsführer vun dat Theater. Ok in dree düütsch Speelfilms un en paar Feernsehproduktschoonen hett he mitwarkt. Scherau weer de Broer vun Carl Voscherau un Unkel to de latere Hamborger Börgermeester Henning Voscherau. Ok, wenn he blots in wenig Feernsehupföhrungen ut dat Ohnsorg-Theater to sehn weer, weer he doch gau, tosommen mit Heidi Kabel, Otto Lüthje un Henry Vahl een vun de Publikumslieblinge.
Biografie
ännernDe beid Broers Voscherau harrn fröh de Drank nah de Böhn, Carl harr Schauspelünnericht bi Franz Kreidemann, Walter harr en gooden Bariton un nehm Gesangsünnerricht.
Beid speelen se tosommen as Volksböhnenspeler in de damals stark Theatervereens, hööftsächlich ut de Arbeiterbewegung: Volksspielbühne Thalia, Volksspielbühne Club Concordia, Volksspielbühne "Rideamus" usw., aber ok Richard Ohnsorgs "Niederdeutsche Bühne e.V.". De Upföhrungen fungen etwa üm 1919 an un gungen bit 1944. Denn is dat all instellt wurrn, wiels Hamborg immer mehr dör Bomben angrepen un kört un kleen haun wurr. Völ vun de Upföhrungen funnen in de Conventgarten statt, aber ok in Volksheimen vun der Arbeiterbewegung.
De Künstlernaam "Scherau" nehm Walter Voscherau eerst nah de Krieg an, as beid Bröers sück för den Berop vun en Schauspeler entschedd harr. Bei werrn an’t Ohnsorg-Theater, wo Walter ok Kasseerer (bi de Vereen) un Verwaltensdirekter (bi’d Theater) weer. Dor se nu bei Voscherau heeten, keemen de Lüüd mit de Naams in’t Klatten. Um dat to umgahn, hett sück Walter denn blots noch Scherau nömmt. Carl wurr 1946/47 allerdings bald vun Willy Maertens an dat Hamborger Thalia Theater beropen. Dornah harr sück dat mit dat Verwesseln.
Walter Scherau is bediekt up den Karkhoff Ohlsdörp in Hamborg.
Filmographie
ännern| Johr | Titel |
|---|---|
| 1950 | Nur eine Nacht |
| 1954 | Künstlerpech, Feernsehn |
| 1959 | Freddy, die Gitarre und das Meer |
| 1959 | Bobby Dodd greift ein |
Ohnsorg-Upföhrungen in’t Feernsehn
ännern- Das Herrschaftskind (1955) mit Magda Bäumken, Heidi Kabel, Heini Kaufeld, Heinz Lanker, Otto Lüthje un annern
- Ein Mann mit Charakter (1961) mit Ernst Grabbe, Heidi Kabel, Jochen Schenck, Günther Siegmund, Christa Wehling un annern
- In Luuv und Lee die Liebe (1961) mit Hans Mahler, Heinz Lanker, Jochen Schenck, Günther Siegmund, Erna Raupach-Petersen, Hilde Sicks un annern.
Weblenken
ännern- Walter Scherau in de Internet Movie Database (engelsch)
- Walter Scherau bi filmportal.de