Fictie

Fictie (van Latien fictio(n-), uut fingere, vörmgeven, verzinnen) slat op keunstutings aover verzunnen zaken. Allewal de term 't miest gebruukt wördt mit betrekking töt schrieverije (romans, novelles, körte verhalen, dichterije), kan 't ok gaon aover mondelinge vertellegies, theater, film, tillevisie, heurspöllen op de radio, strips, rollenspöllen, videospöllen, verhalen op 't internet en nog aandere media.

Fictieve verhalen kunt kats uut de doem ezeugen wezen, mar kunt ok ontliend wezen an warkelijke gebeurtenissen of feguren, die dan anepast bint um 't verhaal te dienen. In 't leste geval wördt der in 't Engels wal espreuken van faction (fact mit fiction).

't Tegenaoverestelde van fictie is non-fictie: utings die betrekking hebt op de warkelijkheid, of teminsen een poging doet um de warkelijkheid te beschrieven en bespreken.

• Geofiksie

Dit artikel is eschreven in 't Zuudwest-Drèents.