Tepoxteco

Tepoxteco inin altepetl tlatilantoc ompa altepecalpolli Chicontepec, Veracruz. Cequinoc altepemeh itech inintocah, Chapictlan, El Sitio, Las Silletas, Xoquichual, Ichcacuatitlan. Quipiya 462 chanehqueh.^[1] Nochi macehualmeh nahuatlahtoanih.

Tetl: piedra

Poztequi: labrar, quebrar

-co: en, lugar de

"Lugar de la piedra quebrada o labrada"

Ipan ni altepetl, tlatilantoc Chicontepec, Veracruz. Tlahuel tlatotonia huan amo tlahuel tlaceceya. Cequin xihuimeh huan tecuanimeh. Itztoqueh miyac macehualmeh ipan inin altepetl. Miyac tlacameh zan miltequitih ihuan cequinoc tlacameh no quitocah chilli, tomatl, etl, colantoh, xonacatl, ihuan cequinoc cuatlaccquetl.

Amo momati quemman peuhqui inin altepetl Ipan inin altepetl oncah ome tlaneltoquiliztli. Miac macehualmeh tlahuel quittepanitan Chicomexochitl. Inin hueyi ilhuitl quemantzin quichihuah ome hueltah ipan xihuitl, ipehuaya huan itlahtotiyan xihuitl. Huan nouhquiya cequin macehualmeh quineltocan tlen totiotzin Jesus.

No iuhqui quipiyah ce canahaya campa monechicoah tlalpiyanih "ejidatarios" ompa Tepoxteco

. Huahcauhquiya miyac macehualmeh motlaquentiyayah ica caltzon naman ayohcanah, achi mopatlatoc quentzin.

Nican ipan inin altepetl tequitih quen huahcapayotl. Nican monechicoah miyac macehuameh ihuan momatlalanah ihuan quiihtoah acquiya nequi ma quinyecana ica ce xihuitl zo ome xihuitl. Tlanahuatianih tequitinih melahuac cualli tequitih, ihuan nican ipan inin altepetl. Itztoqueh miyac tequihuahmeh. Inih tequihuahmeh quipiyah cequin inintequitzin. Cequin itztoqueh quen "agente municipal" ihuan cequin tlalmocuitlahuianih" "comisariado ejidal" ihuan nouhqui tlen Caltlamachtilizmocuitlahuianih "comite escolar".

No quipiyah cequin tequihuahmeh tlen Xochicalli "La Casa de la Flor". Inin tequihuah quiyecanah tlen hueyi ilhuitl tlen Chicomexochitl.

Altepetl Tepozteco quipiya 462 chanehqueh.

Ipan inin altepetl oncah ce Tepahtiloyan "Clínica" ihuan quinpahtiah 15 macehualaltepetl. Miyac yohuih nican ipan Altepetl Tepoxteco. Nouhqui itztoqueh cequinoc tepahtianih ipan inin altepetl. Tetlalanquetl "partera". Ihuan no quichihua itequitzin quemman conetlacati ce cihuatl.

Ipan inin altepetl, oncah Caltlamachtiloyan tlen Preescolar Josefa Ortíz de Dominguez, Escuela Primaria Miguel Hidalgo, Telesecundaria Justo Sierra huan Telebachillerato Tepoxteco. No monechicoah ipan Telesecundaria ihuan Telebachillerato tlen cequinoc altepetl quen: Chapictla, Lindero, Xoquixhual, Apachtitlan.

Ipan altepetl Tepoxteco, miyac cihuameh quichihuah cequin tlamantli tlen tlaxcalyoyomitl, quitzahuah nopa mantahyoyomitl. Quichihuah miyact tlamantli xochitl, tecuanimeh ihuan cequinoc. No cequin cihuameh quichihuah comalli, caxitl, canteleroh, ihuan cequinoc tlamantli. No cequin quichihuah chicapalli cequin cocuetzitzin ihuan cequin huehhueyi.

Oncah tlatzotzontli ipan altepetl Tepoxteco, oncah cequin tlatzotzonanih tlen itocah Trio Tepoxteco ihuan quiyecana Rubén Magdalena (Tzapotl) No iuhqui ceyoc tlacatl tlen tlatzotzona tlen itocah Sergio Osorio

Noiuhqui huahcaquiya 1990-2000) oncayaya cequin tlatzotzonanih tlen quiyecanayaya Alejandrino Díaz (micqui) "Los mensajeros del Amor"

Ipan altepetl Tepoxteco, mahuiltiah ica Olli (futbol) ihuan no iuhqui Olli (Basquetbol). Nican tlen tlahuel mahuiltiah telpocameh Futbol ihuan ahacahica quichihuah nechicoliztli ihuan mahuiltiah huanya cequinoc telpocameh tlen Chapixtla, Lindero, Ixcacuatitlan, Tecomate ihuan cequinoc altepetl. Cequin conemeh mahuiltiah ica cayuco (canica). Cequin ichpocameh mahuiltiah ica Basquetbol.

1. ↑ "Municipio de Chicontepec". Archived from the original on 2016-09-13. Retrieved 2024-03-15. 

• [1] Elotlamanaliztli ipan Tepozteco, ompa Veracruz.