သဘာဝသိပ္ပံ

ကျွန်ုပ်တို့ဝန်းကျင်ရှိ လောက(universe)ကြီး၏ လည်ပတ်ပုံကို စနစ်တကျ လေ့လာခြင်းတိုင်းသည် သဘာဝစိုင်းယန့်စ် (Natural Science) ဖြစ်၏။ အဓိကကိုင်းကဏ္ဍ ၅ခု ရှိသည်၊ နက္ခတ္တဗေဒ၊ ရူပဗေဒ၊ ဓာတုဗေဒ၊ ဇီဝဗေဒ၊ ကမ္ဘာဂြိုဟ် စိုင်းယန့်စ် (Earth science)။

သိပ္ပံပညာရပ် တစ်မျိုး ဖြစ်သော သဘာဝ သိပ္ပံ (အင်္ဂလိပ်: Natural Science) ဆိုသည်မှာ လက်တွေ့တိုင်းတာမှု (observation)နှင့် တကူးတက လက်တွေ့စမ်းသပ်မှု (experiement) တို့ကို အခြေပြုလျက်၊ သဘာဝ၏ သက်ရှိသက်မဲ့ အရာဝတ္ထုများနှင့် အဖြစ်အပျက်များအားလုံးကို နားလည်အောင် အားထုတ်ခြင်း ဖြစ်၏။^[၁]
သိပ္ပံပညာရပ် အနေနှင့် ဖွံ့ဖြိုးတိုးတက်နေစေခြင်းငှာ၊ အတွေးအခေါ်နှင့် သင်္ချာသီးသန့်ပိုင်း လက်ရာတို့အဖို့ သိကျွမ်းတူ စစ်ဆေးမှု (peer review)နှင့် ရှာဖွေသိချက်တို့အဖို့ ထပ်တလဲလဲ လုပ်ကြည့်တိုင်းတာမှု စသည့် လုပ်ငန်းထုံးနည်း၊ လုပ်ထုံးယန္တရားများကို ဆောင်ရွက်နေကြ၏။