Mark Zuckerberg

Mark Elliott Zuckerberg (Boca Raton, 14 ta' Mejju 1984) huwa informatiku u imprenditur Amerikan, magħruf l-iktar bħala l-fundatur tan-netwerk soċjali Facebook.

Ir-rivista Amerikana Forbes innominatu bħala "L-iżgħar biljunarju fi-dinja"^[1] b'patrimonju li huwa stmat li hu madwar il-biljun u nofs dollaru Amerikan,^[2] minkejja li l-validità ta' din il-klassifika ħonqot ħafna polemika.^[3] Ta' 23 sena, huwa jżomm il-primat bħala l-iżgħar biljunarju fil-pjaneta. Waqt li kien student f'Harvard beda s-sit Facebook bl-għajnuna ta' Andrew McCollum, kollega u speċjalista fl-informatika, flimkien ma' sħabu Dustin Moskovitz u Chris Hughes. Is-suċċess kien wieħed immedjat fi ħdan studenti oħra fl-università u dan is-servizz laħaq skejjel oħra, qabel ma ġie miftuħ għall-pubbliku in ġenerali. Fl-2007, Facebook kienet is-seba' websajt l-aktar li żaruha nies. Illum huwa l-kap uffiċjali eżekuttiv tal-Facebook.^[4]

Il-magażin Time żiedet lil Zuckerberg bħala wieħed mill-aktar nies influwenti matul l-2008. Hu waqa' taħt il-kategorija tax-Xjentisti u Ħassieba għall-fenomenu fuq il-web, Facebook, fejn kien klassifikat fit-52 post minn 101 persuna.