Umbu
Spondias tuberosa L., popularmente coincido cumo umbuzeiro, eimbuzeiro ó jique ye ua arble de pequeinho porte (mede até seis metros d'altura), pertencente a la família de las anacardiáceas, de copa ancha (até quinze metros d'anchura), ouriginária de ls chapadones semiáridos de l Nordiste brasileiro, que se çtaca por fornecer selombra i acunchego. Dada l'amportança de sues raízes, fui chamada "arble sagrada de l Serton" por Euclides de la Cunha. L'umbuzeiro cunserba auga an sue raiç, podendo chegar a armazenar até mil lhitros, i, para alhá desso, porduç ua patata, que, an época de grande stiaige, ye outelizada cumo alimiento. L'umbuzeiro bibe an média 100 anhos, i ye cunsidrado un simblo de resisténcia.
