Johann Sebastian Bach
Johann Sebastian Bach (Eisenach, 21 de Márcio de 1685 — Lheipzig, 28 de Júlio de 1750) fui un ourganista i cumpositor alman de l período barroco. Mestre na arte de la fuga, de l cuntraponto i de la música coral, el ye un de ls mais prolíficos cumpositores de la stória de la música oucidental. Ye, por muitos, cunsidrado cumo l pai de la música.
Deboto admirador de Dietrich Buxtehude, Bach ye tenido cumo l maior cumpositor de l Barroco i, por muitos, l maior cumpositor de la stória de la música, inda que pouco reconhecido na altura an que bibeu. Muitas de sues obras refleten ua grande perfundidade anteletual, ua spresson emocional perfunda i, subretodo, un grande domínio técnico an grande parte respunsable pul fascínio que dibersas geraçones de musiqueiros demunstrórun pul Pai Bach, specialmente depuis de Felix Mendelssohn que fui un de ls respunsables pula dibulgaçon de la sue obra, até anton bastante squecida.
Mais tarde, Hanes bon Bulow faç refréncia de Bach cumo un de ls "trés bés de la música" (Bach, Bethoben, Brahms), cunsidrando l sou Crabo Bien Temperado cumo l Antigo Testamiento de la Música.
