Ciéncias eisatas
Ua ciéncia eisata ye qualquiera campo de la ciéncia capaç de spressones quantitatibas, prediçones percisas i métodos rigorosos de testar heipóteses, specialmente ls spurmientos reprodutibles ambolbendo prediçones i mediçones quantificables. Matemática, Física, Angenharie, Química, Statística i Cumputaçon, assi cumo partes de la Biologie, Psicologie, i Eiquenomie puoden ser cunsidradas ciéncias eisatas nesse sentido.
L termo amplica ua dicotomie antre esses campos i outros, cumo las ciéncias houmanas, que possuen un caráter menos perciso. Tenermos relacionados, mas nun eiquibalentes son ciéncias duras i ciéncias puras.
Las ciéncias eisatas nacírun ne l'ampeço de l seclo XVII na Ouropa Oucidental. Baseian-se na ouserbaçon aperfundada drento dun quadro temático restrito ó prebiamente defenido, ua abordaige simples i pregressiba de la modelizaçon i, subretodo, de l'uso sistemático dua lógica reducionista ne l sentido de manter solo ls dados i leis necessairos i suficientes para splicar ls fenómenos ouserbados (ber "Nabalha de Ocan").
La astronomie, cunsidrada la mais antiga ciéncia d'ouserbaçon, la matemática, qu'abriu nuobos hourizontes a l'abstraçon a partir de la geometrie i de la aritmética, puoden ser cunsidrados precursores de las ciéncias eisatas, que se zambolben berdadeiramente culas purmeiras ciéncias spurmentales, cumo la física.
Podemos çtacar alguns cursos de la ária de ciéncias eisatas cumo qualquiera angenharie, las quales stan an muita alta atualmente ne l mercado, i para quien gusta de númaros essa ye ua ótima oupçon, adonde dependendo de l'ounibersidade scolhida pul aluno ye garantie d'amprego, tenemos tamien la matemática la qual ye un de ls cursos mais coincidos de la ária, la qual yá nun stá mais tan an alta, mas ye coincida cumo ser un de ls cursos mais defíceles de l galho, tenemos tamien la física, adonde tamien ouferece un campo legal de studos i amprego, assi las ciéncias eisatas ye un campo de mui feturo para quien gusta de studar i adora ls númaros.
