Alexandre, l Polímata

Lúcio Cornélio Alexandre Polímata (an griego antigo: Ἀλέξανδρος ὁ Πολυΐστωρ) fui un erudito griego que fui scrabizado puls romanos durante las Guerras Mitridáticas i liebado para Roma para ser un tutor. Passado sue libertaçon, cuntinou a bibir na Eitália cumo cidadano romano. Fui un scritor tan pordutibo que ganhou l'apelido de Polímata. La maiorie de sous scritos fui perdida, mas ls fragmientos que restórun lançan ua luç amportante subre temas de l'antiguidade de l leste de l mar Mediterráneo.

Alexandre bibeu na purmeira metade de l seclo I a.C.. Segundo la Suda fui aluno de Crates i dun de filósofo de Mileto, al passo que Stébon de Vizáncio afirma qu'el era natibo de Cotiaeun, na Frígia Menor, i filho de Asclepíades, anquanto que l Etymologicun Magnun cuncorda an chamá-lo de Kotiaeus. Ye possible que dous defrentes Alexandres fúrun mesclados ó cunfundidos. 

Tornou-se un presioneiro de guerra romano, fui bendido cumo scrabo para un Cornélio Léntulo para ser sou porsor (paedagogus) i mais tarde fui libertado. Cumo un liberto romano sou nome era Cornélio Alexandre. L nomen puode benir de Cornélio Léntulo ó de Sula Félix, pus el recebiu la cidadanie de Sula.

Morriu an Laurento nun ancéndio que cunsumiu sue casa, i sue mulhier Heilena ye dezido pula Suda tener respundido a l'ambora de sue perda se anforcando. 

La Suda nun faç nanhue tentatiba para listar las sues obras, afirmando qu'el cumpós libros "para alhá de la cunta". 

L mais amportante tratado de Alexandre cunsistiu de quarenta i dous libros de relatos stóricos i geográficos de quaije todos ls países de l mundo antigo. Estes ancluían cinco libros Subre Roma, la Aigytiaca (pul menos trés libros), Subre la Bitínia, Subre l Mar Euxino, Subre la Eilíria, Andica i ua Stória de la Caldeia. Outro trabalho notable ye subre ls judius (Muller, Fragmenta Storicorun Graecorun, iii); que reproduç an paráfrase trechos relebantes de scritores judius, de quien d'outra forma nada se saberie. Cumo filósofo, Alexandre screbiu Las Sucessones de ls Filósofos, mencionado bárias bezes por Diógenes Laércio an sue Bidas i Pareceres de Eiminentes Filósofos.. Nanhue de las obras de Alexandre subrebibeu. Citaçones i paráfrases solo puoden ser ancontradas, an grande parte, nas obras de Diógenes Laércio. Eusébio straiu ua grande parte de sue Crónica de ls caldius. 

Un de ls alunos de Alexandre fui Caio Júlio Higino, un outor an latin, erudito i amigo de Obídio, que fui nomeado por Augusto para ser l superintendente de la biblioteca Palatina. Alexandre registrou bários pensamientos subre cuntradiçones, çtino, bida, alma i sues peças, figuras purfeitas, i curjidades defrentes, cumo l cunseilho de nun comer freijon. 

• Alexander Polyhistorentrada na Internet Encyclopedia of Philosophy
• Vida e Obras (

an anglés)

• Exemplo das Obras de Alexandre (

an anglés)