Элтон Жон

Сэр Элтон Жон (англи. Elton Hercules John; төрөхлөө — Режиналд Кеннет Дуайт (англи. Reginald Kenneth Dwight); 1947 оны 3-р сарын 25-нд Их Британийн Лондонд төрсөн) — Британий алдарт дуучин, төгөлдөр хуурч болон хөгжмийн зохиолч.

Тэрээр хөнгөн рок хөгжмийн хөгжилд ихээхэн нөлөө үзүүлсэн. 1970-аад оны арилжааны хамгийн амжилттай дуучдын нэг, Их Британийн хамгийн амжилттай рок жүжигчдийн нэг. Карьерынхаа туршид тэрээр АНУ болон Их Британид бусад Британийн соло уран бүтээлчдээс илүү олон цомог зарсан байна.

Лондонд өссөн Элтон Жон багаасаа төгөлдөр хуур тоглож сурсан бөгөөд 1962 он гэхэд Bluesology хэмээх R&B хамтлагийг байгуулж, 1967 он хүртэл тэндээ тогложээ. Тэрээр 1967 онд хөгжмийн зохиолч Берни Таупинтай хоёулаа дуу зохиогчдын сурталчилгаанд хариулсны дараа танилцжээ. Хоёр жилийн турш тэд Лулу зэрэг уран бүтээлчдэд зориулж дуу бичсэн бол Жон Холлиз, Скаффолд зэрэг уран бүтээлчдэд зориулсан хөгжимчнөөр ажилласан. Жонны анхны цомог "Empty Sky" 1969 онд гарсан.

Жонны олон шагналын дунд тэрээр Эмми шагнал, таван Грэммийн шагнал, хоёр Оскарын шагнал, Тони шагнал зэрэг 19 "EGOT" хүлээн авагчдын нэг юм.

2004 онд Роллинг Стоун сэтгүүлийн үзсэнээр хамгийн агуу дуучдын жагсаалтад 49-рт орсон байна.

Элтон Жон нь олон нийтийн зүтгэлтэн гэдгээрээ алдартай, ялангуяа 1980-аад оны сүүлээр ДОХ-ын халдвартай тэмцэх чиглэлээр ажилладаг. 1992 онд тэрээр "Элтон Жон ДОХ-той тэмцэх сан"-г байгуулжээ. Байгуулагдсан цагаасаа хойш тус сан 300 гаруй сая фунт стерлинг цуглуулсан байна. 1976 онд Элтон Жон өөрийгөө бисексуал хэмээн зарлаж, 1988 оноос илт ижил хүйстэн гэдгээ илэрхийлжээ. 2005 оны 12-р сарын 21-нд тэрээр Дэвид Фурништэй иргэний "нөхөрлөл" байгуулж Тэд 2014 онд Англи, Уэльст ижил хүйстнүүдийн гэрлэлт хууль ёсны болсны дараа албан ёсоор гэрлэсэн байна.