ഇന്തോനേഷ്യയുടെ ദേശീയപതാക
പേര്കൾ | സാങ് സക മെരാ-പുതിഹ്, ബെന്ദെര മെരാഹ് -പുതിഹ് അല്ലെങ്കിൽ മെരാഹ്-പുതിഹ് |
---|---|
ഉപയോഗം | National flag and ensign |
അനുപാതം | 2:3 |
സ്വീകരിച്ചത് | 17 ആഗസ്ത് 1945 (ആദ്യം) 17 ആഗസ്ത് 1950 (ഔദ്യോഗികം) |
മാതൃക | തിരശ്ചീനമായി ചുവപ്പ്, വെളുപ്പ് നിറങ്ങളിലുള്ള നാടയോടുകൂടിയ ദ്വിവർണ്ണ പതാക |
Variant flag of ഇന്തോനേഷ്യ | |
പേര് | ഉലാർ-ഉലാർ പെറാങ്ങ് അല്ലെങ്കിൽ ലെങ്കാന പെറാങ് |
ഉപയോഗം | നേവൽ ജാക്ക് |
അനുപാതം | 2:3 |
മാതൃക | ചുവപ്പ് വെളുപ്പ് നിറങ്ങളിൽ ഇടവിട്ട് 9 വരകൾ |
ചുവപ്പ്, വെളുപ്പ് എന്നീ വർണ്ണങ്ങളുള്ള ഒരു ദ്വിവർണ്ണ പതാകയാണ് ഇന്തോനേഷ്യയുടെ ദേശീയ പതാക. 2:3 എന്ന അനുപാതത്തിലുള്ള ഈ പതാകയെ തിരശ്ചീനമായി രണ്ട് ഭാഗങ്ങളായി വിഭജിച്ചിരിക്കുന്നു, ഇതിൽ മുകളിൽ ചുവപ്പ് നിറവും താഴെ വെള്ളനിറവും ചേരുന്നതാണ് പതാകയുടെ രൂപം.[1] 1945 ആഗസ്ത് 17ന് ഇന്തോനേഷ്യയുടെ സ്വാതന്ത്ര്യ പ്രഖ്യാപന വേളയിലാണ് ഈ പതാക ആദ്യമായി അവതരിപ്പിച്ചത്. ജക്കാർത്തയിലെ പെഗാങ്സാൻ തിമൂർ സ്റ്റ്രീറ്റിൽ വച്ചായിരുന്നു ഈ പതാക ഉയർത്തിയത്. 1950 ആഗസ്ത് 17ന് ഡച്ചുകാർ ഭരണം കൈമാറിയപ്പോഴും ഈ പതാക ഉയർത്തിയിരുന്നു. അന്നുമുതൽ ഇന്നുവരെ പതാകയുടെ രൂപകല്പനയിൽ യാതൊരു മാറ്റങ്ങളൊന്നും വരുത്തിയിട്ടില്ല.
ഇന്തോനേഷ്യയുടെ പതാക, മൊണാക്കോയുടെ പതാകയുമായി കാഴ്ചയിൽ ഒന്നാണ് എങ്കിലും ഇവയുടെ നീളം- വീതി അനുപാതങ്ങൾ രണ്ടും വ്യത്യാസ്തമാണ്.[2]
പേര്
[തിരുത്തുക]1945 ഭരണഘടനയിലെ ആർട്ടിക്ക്ല് 35 പ്രകാരം ഈ പതാകയുടെ ഔഗ്യോഗിക നാമം സാങ് സക മെരാ-പുതിഹ് ("ചുവപ്പ് വെളുപ്പ് നിറങ്ങളുള്ള ഉന്നതമായ ദ്വിവർണ്ണ പതാക" എന്നർത്ഥം) എന്നാണ്. ബെന്ദേര മെരാ-പുതിഹ് (ചുവപ്പ്-വെളുപ്പ് പതാക) എന്ന് ഇതിനെ സാധാരണയായി വിളിക്കുന്നു.[3]
പ്രതീകാത്മകത
[തിരുത്തുക]ഇന്തോനേഷ്യയുടെ ദ്വിവർണ്ണ പതാകയുടെ അർത്ഥത്തെ കുറിച്ച് നിരവധി അഭിപ്രായങ്ങൾ നിലനിൽക്കുന്നുണ്ട്. ചുവപ്പ് ധൈര്യത്തിന്റെയും വെളുപ്പ് പരിശുദ്ധിയുടെയും പ്രതീകങ്ങളാണ് എന്നാണ് ഒരു വ്യാഖ്യാനം. ചുവപ്പ് മനുഷ്യ ശരീരം അഥവാ ഭൗതിക ലോകത്തെയും, വെളുപ്പ് ആത്മാവ് അല്ലെങ്കിൽ ആത്മീയ ജീവിതത്തെയും സൂചിപ്പിക്കുന്നും എന്നും വ്യഖ്യാനിക്കപ്പെടുന്നു; ഇവരണ്ടും കൂടിചേർന്ന് മനുഷ്യനെ പ്രതിനിധികരിക്കുന്നു.[4]
ഇന്തോനേഷ്യരുടെ ആചാരങ്ങളിലും ചുവപ്പ്, വെളുപ്പ് നിറങ്ങൾക്ക് പ്രധാന സ്ഥാനമുണ്ടായിരുന്നു. ചുവന്നനിറത്തിലുള്ള പഞ്ചസാര (പനഞ്ചക്കര) വെള്ളനിറത്തിലുള്ള അരി എന്നിവ ചേരുന്നത് ഇന്തോനേഷ്യൻ ഭക്ഷ്യസംസ്കാരത്തിൽ അതി പ്രധാനമായ ഒന്നാണ്. മജാപഹിത് സാമ്രാജ്യത്തിന്റെ പതാകയിലും ഇതേ നിറങ്ങൾ തന്നെയാണ് ഉണ്ടായിരുന്നത്.[4]
അവലംബം
[തിരുത്തുക]- ↑ "National Flag, Coat of Arms, Anthem". Embassy of Indonesia, Oslo, Norway. 1 May 2007. Archived from the original on 19 October 2007. Retrieved 22 June 2009.
- ↑ "What is the difference between the flag of Indonesia and Monaco? - Quora". www.quora.com (in ഇംഗ്ലീഷ്). Retrieved 2017-03-13.
- ↑ ഉദ്ധരിച്ചതിൽ പിഴവ്: അസാധുവായ
<ref>
ടാഗ്;idemb2
എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ 4.0 4.1 ഉദ്ധരിച്ചതിൽ പിഴവ്: അസാധുവായ
<ref>
ടാഗ്;indoflag1
എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല.