Taluak Babi

Taluak Babi adolah sabuah taluak ketek nan talatak di pantai selatan Kuba.^[1] Pado taun 1910, taluak ko tamasuak dalam Provinsi Santa Clara jo manjadi bagian dalam Provinsi Las Villas pado taun 1961. Sasudah itu, Taluak Babi masuak ka Provinsi Cienfuegos kutiko anam provinsi asli di Kuba diubah manjadi ampek baleh provinsi.

Taluak Babi barado sakita 30 kilometer dari Jaguey Grande, 70 kilometer dari sabalah barat Kota Cienfuegos jo 150 kilometer dari sabalah tenggara ibukota Havana. Di sabalah barat taluak tadapek terumbu karang di sakaliliang rawa Zapata, bagian dari samananjuang Zapata. Samantaro itu, di sabalah timur babateh jo lahan nan baisi bakau sarato daerah rawa nan laweh di sabalah utara jo timur. Di sabalah utara taluak ado juo kampuang Buena Ventura nan badakek jo Playa Larga (Pantai Panjang) jo di sabalah tenggara ado Playa Giron (Pantai Giron) nan dinamoi dari saurang bajak lauik Parancih Gilberto Giron. Playa Larga jo Playa Giron adolah tampek pandarekan untuak pasukan Kuba nan sadang balaya dalam pangasiangan pado kajadian Invasi Taluak Babi, sabuah invasi nan dilakuan pamerentah Amerika Sarikat untuak mangguliangan pamerentahan Pardana Mantari Fidel Castro pado April 1961.^[2]