Lauak asin

Lauak asin atau ikan asin adolah makanan nan barasal dari lauak masiak. Nan mano lauak itu diawetkan nan diolah samo garam dijamua sampai masiak. Sahinggo lauak tasabuik dapek batahan lamo hinggo bahari-hari atau babulan-bulan. Biasonyo pangawetan lauak ko banyak dikarajoan samo urang-urang nan tingga di daerah pasisia pantai. Pangawetan ko sarancaknyo dilakukan pado musim paneh, supayo hasilnyo rancak. Pado umumnyo lauak yang banyak diasinan adolah lauak yang ukurannyo ketek-ketek.

1. Lauak dibalah pado bagian bawah parauik supayo natinyo katiko diagiah garam, garam tasabuik dapek marato pado bagian lauak tasabuik
2. Basuah sampai barasiah tujuan nyo supayo lauak tasabuik indak babaun anyia dan ranak bantuak nyo
3. Agiah garam aluih sampai marato, supayo raso asin pado lauak tasabuik labiah taraso dan lamak jadinyo
4. Jamua lauak sampai masiak, sarancaknyo lauak tasabuik di jamua di tampek nan tabukak di bawah paneh matohari supayo lauak tasabuik kariangnyo rancak

• Elok untuak kesehatan gigi samo tulang

Kanduangan kalsium samo fosfor dalam lauak asin manjadi salah satu nutrisi nan paliang tinggi pado lauak asin. Banyak manyabuikan bahwa lauak asin kariangan bajumlah 100 gram mampunyoi 300 mg fosfor jo kadar kalsium 200 mg. Fosfor jo kalsium sangaik baguno untuak kasehatan tulang jo gigi. Salain untuak kasehatan lain dari lauak asin adolah untuak manambah tinggi salamo patumbuahan, mancegah osteoporosis, mancegah cacat tulang dan mampakuet struktur tulang.

Indak hanyo elok untuak kasehatan gigi jo tulang, lauak asin mampunyoi manfaaik dalam mambantu mempacapek mampacegak luko yang tadapek ditubuh. Hal iko takaik pado kanduangan zat besi yang dapek mampacapek cegak pado luko. Lauak asin mampunyoi banyak kanduangan zat besi yang cukuik tinggi, yaitu kiro-kiro 3 mg per 100 gram lauak asin. Namun, manfaik iko indak hanyo balaku untuak urang yang mampunyoi panyakik hemofilia.^[1]

• Dapek mancagah panyakik jantuang

Lauak asin kironyo mampunyoi kanduangan manfaat omega 3 yang cukuik tinggi. Salain itu manfaat lauak asin ado juo mampunyoi kanduangan kolesterol elok yang cukuik tinggi. Karano itu lauak asin sangaiklah elok untuak mancagah panyakik jantuang dan bamacam gangguan jantuang lainnyo. Baitu pulo samo kolesterol, karano omega 3 pado lauak asin dapek manolong manurunkan kadar kolesterol jaek yang ado di dalam tubuah.^[2]

1. ↑ "Sering Dipandang Sebelah Mata, ini 5 Manfaat Ikan Asin Bagi Kesehatan Tubuh - Semua Halaman - Grid.ID". www.grid.id (dalam bahasa Indonesia). Diakses tanggal 2019-12-13. 
2. ↑ "Sering Dipandang Sebelah Mata, ini 5 Manfaat Ikan Asin Bagi Kesehatan Tubuh - Semua Halaman - Grid.ID". www.grid.id (dalam bahasa Indonesia). Diakses tanggal 2019-12-13.