Hanoi

Hanoi adolah ibu kota nagara Vietnam nan mancakuik daerah salaweh 3.359,84 km2 (1.297.24 mil persegi).^[1] Kota ko marupokan kota tapadek ka duo di nagara ko nan pado tahun 2022 panduduaknyo mancapai 8.435.700 jiwa.^[2] Hanoi manjadi pusek budayo, ekonomi jo pendidikan di Vietnam Utara.

Paradaban alah ado di kota ko sajak zaman Paleolitikum akhia jo Mesolitikum awal nan dibuktian dek panamuan siso-siso tampek tingga di kota ko. Antaro tahun 1971 jo 1972, arkeolog di Ba Vì jo Đông Anh manamuan karikia jo bakeh ukiran sarato olahan tangan manusia nan marupokan paninggalan Kabudayaan Sơn Vi, nan barasa dari 10.000 hinggo 20.000 tahun nan lampau.^[3][4] Namun salamo patangahan Holosen, aia lauik naiak nan mananggalaman daerah dataran randah; sahinggo sakitar 10.000 hinggo sakitar 4.000 tahun nan lampau, Hanoi indak ado.^[3] Kota ko dipicayo baru baunyi sampai kini sajak 4.000 tahun nan lampau.^[5][6]

Kota Hanoi moderen basamo Ho Chi Minh manjadi salah ciek kota jo patunbuahan tacapek di dunia dalam hal patumbuahan PDB dari tahun 2008 hinggo 2025, manuruik PricewaterhouseCoopers.^[7]